Հայ ըմբիշները երեք մեդալ են նվաճել Իսպանիայում անցկացվող Եվրոպայի երիտասարդական առաջնությանը (ՎԻԴԵՈ)

ԵՐԵՎԱՆ, 28 հունիսի./Նովոստի–Արմենիա/. Հունահռոմեական ոճի հայ ըմբիշները նախօրեին երեք մեդալ են նվաճել Իսպանիայում անցկացվող Եվրոպայի U20 երիտասարդական առաջնությանը։

63կգ քաշային կարգում Յուրիկ Հովեյանը հռչակվեց Եվրոպայի չեմպիոն` հաղթանակ տանելով մոլդովացի Վիտալի Երմոլենկոյի նկատմամբ։ Մենամարտի արդյունքն էր 5։5, Հովեյանը հաղթանակ տարավ լրացուցիչ ցուցանիշներով։

Արծաթե մեդալ նվաճեց Վիգեն Նազարյանը (87կգ)` 4։5 հաշվով զիջելով վրացի մրցակիչց Աչիկո Բոլկվաձեին։

Բրոնզե մեդալ նվաճեց Հոմերոս Առաքելյանը (55կգ)` 11։6 հաշվով ջախջախիչ պարտության մատնելով թուրք ըմբիշ Մուհամեդ Չակիրին։–0–