YouTube-ը նոր երաժշտական ծառայություն կգործարկի

ԵՐԵՎԱՆ, 20 մայիսի. /Նովոստի-Արմենիա/. YouTube ընկերությունը հայտնել է նոր՝ YouTube Music նոր ստրիմինգային երաժշտական ծառայության գործարկման մասին, հայտնում է gazeta.ru-ն՝ հղում անելով ընկերության բլոգին:

Բացի դրանից, ընկերությունը մտադիր է գործարկել նաև առանձին հավելված: Բացի երաժշտական ծանուցումներից, ընկերությունը խոստանում է նաև ռեմիքսների, cover տարբերակների ու կենդանի կատարումների մատչելիությունը:

YouTube Music-ի անվճար տարբերակը կուղեկցվի գովազդով: Անգովազդային տարբերակն ամսական կարժենա 9,99 դոլար: Այն հասանելի կդառնա աշխարհի բոլոր երկրներում մայիսի 22-ին:

Ընդ որում` ընկերությունից հայտնել են, որ ներկա GooglePlay Music ծառայությունը կշարունակի գործել: