Թինա Կանդելակին Շուշիի տաճարի ադրբեջանական գրոհը հավասարեցրել է ԻԼԻՊ-ի ահաբեկիչների կողմից Պալմիրայի ոչնչացմանը

ԵՐԵՎԱՆ, 9 հոկտեմբերի./Նովոստի-Արմենիա/. Հայտնի հեռուստահաղորդավարուհի և պրոդյուեր, «Матч ТВ»ի գլխավոր պրոդյուսեր Թինա Կանդելակին Շուշիի Սուրբ Ղազանչեցոց տաճարի վրա Ադրբեջանի հարձակումը հավասարեցրել է 2015թ.-ին ԻԼԻՊ-ի ահաբեկիչների կողմից Պալմիրայի հուշարձանների ոչնչացմանը:

«Ես անկեղծորեն չեմ հասկանում, թե ինչու ինչ-որ մեկը պատերազմը շուտափույթ դադարեցնելու կոչ չանելուց բացի, նաև արդարացնում է տաճարի ռմբակոծությունը: Ինչո՞ւ անհիմն կերպով անվանել զինվորներին ահաբեկիչներ՝ երկրորդ Պալմիրա սարքելով»,- գրել է նա իր Telegram-ալիքում:

Կանդելակին չոր փաստեր է ներկայացրել. Շուշիում XIX դարի տաճարը ռմբակոծման հետևանքով տուժել է 3 ռուս լրագրող: Նրանցից մեկը ծանր վիճակում է գտնվում:
Իր գրառմանը կից նա ներկայացրել է Վլադիմիր Սոլովյովի թոք-շոույից մի հատված, որտեղ ծագմամբ ադրբեջանցի ռուս քաղաքագետ Սաադատ Կադիրովան, խոսելով Սուրբ Ղազանչեցոց տաճարի վրա հարձակման մասին, հիշատակել է «սատկացնել զուգարանում» արտահայտությունը:

Նախօրեին Ադրբեջանի ԶՈւ-ն երկու անգամ հարված է հասցրել Շուշիի Սուրբ Ամենափրկիչ Ղազանչեցոց մայր տաճարին: Գրոհի հետևանքով եկեղեցու շենքը լրջորեն վնասվել է, վիրավորում է ստացել 3 ռուս լրագրող: -0-