ԵՐԵՎԱՆ, 17 մայիսի․ /Նովոստի-Արմենիա/․ Լաբորատոր առնետների վրա մի շարք փորձարկումներից հետո գիտնականները պարզել են շաքարի վնասակար ազդեցությունը ուղեղի վրա. այն համեմատվում է սթրեսի հետևանքների հետ: Այս մասին հատնում է
National Geographic-ը։
Գիտնականները վաղուցվանից են զգուշացնում շատ քաղցրի օգտագործման վտանգների մասին։ Դա ոչ միայն շաքարախտի և ճարպակալման զարգացման, այլև սրտի խնդիրների, քաղցկեղի և այլնի մեծ ռիսկ է առաջացնում: Ըստ վերջին ուսումնասիրության տվյալների՝ քաղցր գազավորված ըմպելիքները ամեն տարի մոտ 184,000 մարդ են սպանում: Եվ այժմ գիտնականները անմիջական կապ են հաստատել շաքարի և ուղեղի գործունեության խանգարման միջև:
Загружается новость ... "Лево"
Ուսումնասիրությունն իրականացրել են Ավստրալիայի մի շարք գիտական հաստատությունների բժիշկներ: Վերջնական հոդվածում հեղինակները հիշեցնում են, որ շատ վաղ տարիքում ապրած ծանր սթրեսը մեծացնում է հետագա հոգեկան խանգարումների ռիսկը: Այս գաղափարի հիման վրա գիտնականները փորձեր են իրականացրել լաբորատոր առնետների վրա:
Նորածին կենդանիների բաժանվել են երկու խմբի՝ յուրաքանչյուրում երկուական ենթախումբ: Առաջին խումբն առաջին ինը օրվա ընթացքում աճել է սթրեսի պայմաններում, մինչդեռ երկրորդի կյանքին ոչ ոք չէր միջամտում: Նյարդային մթնոլորտում մեծացածներից կեսին տրվել է կանոնավոր սնունդ և խմիչք, իսկ մյուս խմբի սննդակարգում գերակշռում էր շաքարը: Սննդի նույն ձևը կիրառվել է նաև այն առնետների վրա, որոնք աճել են առանց սթրեսի:
Փորձի արդյունքները ամփոփվել են այն սկսելուց 15 շաբաթ անց: Պարզվել է, որ քաղցրավենիքով սնուցված և սթրես չապրած առնետների դեպքում հիպոկամպը փոխվել է այնպես, ինչպես այն առնետների մոտ, որոնք փոքր ժամանակ ծանր օրեր են ապրել, բայց շաքար նույնիսկ չեն փորձել: Ամենաշատը հիպոկամպը փոխվել է «սթրեսը գումարած շաքար» ենթախմբի առնետների մոտ, և առավել առողջ են եղել այն կենդանիները, որոնք աճել են նորմալ միջավայրում և նորմալ սննդակարգով:
Ուղեղի փոփոխություններ ասելով, գիտնականները նկատի ունեն «սթրեսի հորմոնի»՝ կորտիզոլի արտազատումը։ Դրա բարձր մակարդակի ժամանակ բացասական ազդեցություն է առաջանում հիպոկամպի վրա. ուղեղն ու սիրտը գալիս են բարձր պատրաստվածության մակարդակի, և երբ կորտիզոլի մակարդակը բարձրանում է, ավելի ու ավելի շատ նյարդային բջիջներ են մեռնում` այնքան ժամանակ, մինչև տեղի է ունենում հիշողության և ճանաչողական գործառույթի խանգարում:
Գիտնականները շեշտում են իրենց հայտնաբերության կարևորությունը. ժամանակակից երեխաները շատ քաղցր են օգտագործում, ինչը, ակնհայտորեն, ապագայում կարող է ազդել նրանց ուղեղի աշխատանքի վրա: -0-