ԵՐԵՎԱՆ, 4 հուլիսի./Նովոստի-Արմենիա/. Հարկային օրենսգրքում փոփոխությունները, որոնք նախատեսում են գայքահարկի հաշվարկը ոչ թե կադաստրային, այլ շուկայական արժեքով, սուր բացասական արձագանք են առաջացրել քաղաքացիների և ընդդիմադիր քաղաքական ուժերի շրջանում: Հիմա Հայաստանում անշարժ գույքի արժեքը մի քանի անգամ ցածր է շուկայականից, ինչի հետևանքով գույքահարկը շատ ցածր է:
Загружается новость ... "Лево"
Հայաստանի Կադաստրի կոմիտեն գործարկել է հաշվիչ: Ցանկացած անշարժ գույքի սեփականության վկայականի վրա նշված համարը մուտքագրելով կարելի է տեղեկանալ անշարժ գույքի կադաստրային արժեքի, շուկայականին մոտ արժեքի, գույքահարկի ընթացիկ չափի, ինչպես նաև 2021-2026թթ.-ը դրա հետզհետե բարձրացման մասին:
Գույքահարկի մասին
ՀՀ կառավարությունը մայիսի 27–ին ընդունել է գույքահարկի համակարգի բարեփոխման նախագիծ, որի համաձայն 2021 թվականի հունվարի 1-ից անշարժ գույքի համար գանձվող հարկը՝ գույքահարկը, այլևս հաշվարկվելու է տվյալ գույքի ոչ թե կադաստրային, այլ շուկայականին մոտարկված արժեքի հիման վրա։
Հունիսի 25–ին ԱԺ–ն հաստատեց Հարկային օրենսգրքում նախատեսված աղմկահարույց փոփոփոխությունները, որոնցով նախատեսվում է կատարել գույքահարկի փոփոխություն։
Եթե գործող կարգի համաձայն չի հարկվում մինչև 3 միլիոն դրամ կադաստրային արժեք ունեցող անշարժ գույքը, ապա ըստ փոփոխությունների, չհարկվող անշարժ գույք այլևս չի լինելու։ Անշարժ գույքը բաժանված է երկու խմբի՝ բազմաբնակարան բնակելի շենքերում բնակարաններ և անհատական բնակելի տներ, որոնցից յուրաքանչյուրն իր հերթին ունի վեց մակարդակ, և որքան գույքի արժեքը բարձր է, սեփականատերը այնքան շատ գույքահարկ է վճարելու։
Օրենքը ներդրվելու է 6 տարվա ընթցքում։ 2021թ.–ին բնակչությունը վճարելու է հարկի 25%–ը, 2022թ.–ին`30%–ը, 2023թ.–ին` 35%–ը, 2024թ.–ին` 50%–ը, 2025թ.–ին` – 75% –ը և միայն 2026թ.–ին քաղաքացիները կվճարեն ամբողջական հարկը։
Խորհրդարանական ընդդիմությունը կտրուկ քննադատեց այս օրենք` նշելով, որ այն խայտառակություն է ներկա սոցիալական պայմաններում` հաշվի առնելով կորոնավիրուսի հետ կապված իրավիճակը, որը միայն վատացնում է քաղաքացիների սոցիալական վիճակը։
Իշխանությունների գնահատմամվ, առաջարկված փոփոխությունների շնորհիվ համակարգի ներդրման 4-րդ տարվա համար նախատեսվում է գույքահարկի հավաքագրումները 9 մլրդ. դրամից հասցնել 40 մլրդ դրամի: Նշված լրացուցիչ միջոցները կուղղվեն համայնքների բարեկարգմանը: -0-
