ԵՐԵՎԱՆ, 10 մարտի. /Նովոստի-Արմենիա/. Հայաստանը կարելի է տեսնել շատ տարբեր, բայց յուրովի անկրկնելի կողմերից:
Լեռնային կիրճեր և անվերջանալի դաշտավայրեր, գունագեղ հնագույն տաճարներ և զուլալ լճեր, հիանալի խոհանոց և անհավանական հյուրընկալություն՝ այդ ամենը Հայաստանն է, որն առաջին իսկ հայացքից գրավում է զբոսաշրջիկների սրտերը, գրում է
National Geographic Россия-ն:
Բիբլիական Արարատը երևում է անգամ Երևանի կենտրոնից, սակայն ամենատպավորիչ պատկերների համար արժե գնալ քաղաքից դուրս, որտեղ կարելի է գտնել լեռնային հազար ու մեկ տպավորիչ պատկերներ:
Թուրքիայի հետ սահմանին բարձրունքի վրա գտնվում է Հայաստանի խորհրդանիշը՝ շքեղ և անհասանելի Խոր Վիրապ վանքը:
Սյունիքի մարզի սրտում մառախլապատ վարագույրի հետևում թաքնվում է այլ գեղատեսիլ վանք՝ Տաթևի վանքը՝ միջնադարյան վանական համալիրը, երկրի հոգևոր կենտրոններից մեկը:
Սակայն Հայաստանը ոչ միայն հրապուրիչ բնապատկերներ են, որոնք իրենց ողջ գեղեցկությունն են բացում հյուրերի արջև, և ոչ միայն ճարտարապետություն, որն ապշեցնում է իր խիստ քարերի գծերով կամ վարդագույն տուֆի երանգներով:
«Հայաստանն իր արտահայտությունն է գտնում նաև մարդկանց մեջ: Հյուրընկալ, ժպտերես, անկեղծ, նրանք միշտ պատրաստ են կիսվել ձեզ հետ իրենց կամ իրենց նախնիների կյանքի պատմություններով, կամ շուրջ բոլորը գտնվող լեռնային առասպելներով:
Ու կարևոր չէ՝ կայցելեք այս հրաշալի երկիրը միայն հանգստյան օրերին կամ կհատկացնեն արձակուրդի երկու շաբաթները, բայց Հայաստանը ընդմիշտ կմնա ձեր սրտում», - գրում է պարբերականը:-0-