ԵՐԵՎԱՆ, 24 մայիսի./Նովոստի–Արմենիա/. Հայաստանի վարչապետ Նիկոլ Փաշինյանը հանձնարարել է պարզել երկրից գյուղատնտեսական արտադրանքի արտահանման հետ կապված խնդիրները։
Հինգշաբթի կառավարության նիստում Փաշինյանը բավականին կոշտ ձևով հետաքրքրվել է Սննդամթերքի անվտանգության պետական տեսչության ղեկավար Իշխան Կարապետյանից, ինչու ինքը տեղյակ չի, որ տեսչությունը մայիսի 10–ին և 16–ին նամակներ ստացել Ռոսսելխոզնադզորից։
«Ինձ համար անակնկալ էր, որ ես տեղյակ չեմ տվյալ նամանագրությունից։ Ու՞մ եք զեկուցել ստեղծված իրավիճակիմ մասին, որ մեր ռուս գործընկերները մեզ դիմում են խնդրանքով։ Առավել ևս, որ պաշտոնը ստանձնելուց հետո ես դիմել եմ ձեզ ագրոարտադրանքի արտահանման ոլորտում առկա խնդիրների մասին հարցով։ Դրանից հետո դուք երկու նամակ եք ստացել և, իմանալով իմ հետաքրքրվածությունը, չեք տեղեկացրել նամակների մասին ինձ»,– ասաց Փաշինյանը և հետաքրքրվեց, թե ինչ քայլեր են կատարվել։
Կարապետյանը նշեց, որ դա երկու գերատեսչությունների միջև սովորական նամակագրոթյուն է, երբ տեղեկություն են փոխանակում և հայտնում տարբեր խախտումների մասին։ Տվյալ դեպքում ռուս գործընկերների հետ հարցը քննարկվել է աշխատանքային կարգով։
«Նման հարցերը մենք սովորաբար լուծում ենք աշխատանքային ռեժիմով` խստացնում ենք տեղական արտադրանքի բացթողնման վերահսկողությունը, ինչի մասին իրազեկում ենք շահագրգիռ կողմերին։ Բացի այդ, քանի որ Ռոսսելխոզնադզորի դիմումը վերաբերում էր միայն մեկ ընկերության, այլ ոչ ամբողջ արտադրանքին, ապա տվյալ խմբաքանակը վերադարձվել է, խնդրահարույց արտադրանքը` առգրավվել, իսկ մնացած խմբաքանակը կրկին արտահանվել է»,– ասաց Կարապետյանը։
Նա նշեց, որ հայկական արգոարտադրանքի արտահանման հետ խնդիրները, հիմնականում, վերաբերում են դրա մակնշմանը, մատակարարումների կոնկրետ հասցեի նշման բացակայությանը։
Մասնավորապես, շատերն ագրոարտադրանք են արտահանում առանց փաթեթավորումների և լոգիստիկայի հնարավորությունների` երկրորդ անգամ օգտագործվող փաթեթավորմամբ, օրինակ, բանանների արկղերում։
Կարապետյանի խոսքով, արտահանման խնդիրների հետ չբախվելու համար մատակարարները պետք է նշեն մատակարարումների կոնկրետ հասցե։ Բացի այդ, արտադրանքը պետք է համապատասխանի մակնշմանը և փաթեթավորմանը, բոլոր արկղերը պետք է միանման լինեն, իսկ դրանց վրա պետք է նշված լինեն արտադրողը և ապրանքի մասին որոշակի տեղեկություն։
Կարապետյանը միաժամանակ հայտնեց, որ 2017 թվականին կարգավորիչը ներկրման ընթացակարգերի 140 դեպք է հայտնաբերել, իսկ 2018 թվականի առաջին եռամսյակում` արդեն 50 դեպք, այդ թվում` կեղծ փաստաթղթաբանության, անընդունելի միկրոօրգանիզմների առկայության դեպքեր և այլն։
Այս կապակցությամբ վարչապետը հանձնարարեց աշխատանքներ իրականացնել արտահանողների հետ, որ հետագայում նմանատիպ խնդիրներ չառաջանան։
«Դուք պարտավոր եք ապահովել համապատասխան արտադրանքի արտահանում, և հույս ունեմ, որ մենք այս հարցը քննարկում ենք վերջին անգամ»,– ասաց Փաշինյանը։
Նա հատկապես կարևորեց խնդիրը գյուղատնտեսական արտադրանքի արտահանման առաջիկա սեզոնի համատեքստում, ընդգծելով, չպետք է լինեն հավելյալ արգելքներ, այլ բոլոր պայմաններն արտահանման կազմակերպման համար հստակ պետք է տրամադրվեն։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում