Ի՞նչ խնդիր կա մանդարինների հետ Հայաստանում. «Նովոստի–Արմենիան» պարզաբանում է իրավիճակը (ՖՈՏՈ)

ԵՐԵՎԱՆ, 29 նոյեմբերի. /Նովոստի–Արմենիա/. Սոցցանցերի հայկական հատվածում հայտնվել են օգտատերերի գրառումներ մանդարինների մասին, որոնք մտավախություն են առաջացնում։ «Նովոստի–Արմենիա» գործակալությունը փորձել է պարզաբանել ստեղծված իրավիճակը։

Ի՞նչ է պատահել

Ինչպես նշում են օգտատերերը, մանդարինը մաքրելուց հետո շատերի վրա նկատել են կոշտ մասեր կեղևի վրա։ Ընդհանուր առմամբ, որևէ սարսափելի բան չկա, այդ կոշտ մասը պոկվում է կեղևի, ինչպես նաև միջուկի փոքր հատվածի հետ։ Սակայն, ինչպես նշում են օգտատերերը, այդ ամենը մտավախություն է առաջացնում, քանի տպավորություն է ստեղծվում, թե դրանք ներարկիչի հետքեր են և հնարավոր է` մրգերը վարակված են ինչ–որ վարակով։ Նրանք նաև նշում են, որ այդ ամենը որևէ կերպ չի ազդում մրգի համային որակի և մարդու առողջականի վրա։

Սոցցանցերի արձագանքը

Ինչպես նշել է օգտատերերից մեկը, նա անձամբ է հավաքել և փաթեթավորել մանդարինները Սուխումիում` ընդգծելով, որ նման հետքեր կարող են առաջանալ փաթեթավորման ժամանակ, պտուղների սուր պոչիկներից։


Որոշ օգտատերերի կարծիքով, նման հետքեր կարող են առաջանալ ինչպես կարկուտի, այնպես էլ մրգի հիվանդության հետևանքով։ Կան նաև ավելի սարսափելի մեկնաբանություններ միջերկրածովյան ճանճի թրթուրների մասին։ Ճանճը սնվում էմրգերի և բանջարեղենի կճեպով։

Թրթուրների հետքերը կարելի է նկատել մանդարնի կճեպի վրա փտելու և ծաղկելու հատվածներում։ Երբ այսպիսի մանդարիններ եք օգտագործում, գոյություն ունի մակաբույծների թրթուրներով վարակվելու և թունավորվելու ռիսկ։

Կան նաև ավելի պարզ բացատրություններ` եթե մանդարինը հավաքել են ոչ հասուն և թողել են հասունանալ արկղերում, ապա այն կետը, որի վրա դրված է եղել մանդարինը հասունանալու ընթացքում, չի շերտատվում և կպած է մնում անհասուն մրգին։

Ինչպե՞ս կարձագանքեն պետմարմինները



Չնայած, որ հրապարակումը հայտնվել է մի քանի օր առաջ և դրանում նշվել են բոլոր պատասխանատու կառույցները, սկսած Առողջապահության նախարարությունից և ավարտած Սննդամթերքի անվտանգության պետծառայությամբ, դեռ ոչ ոք չի արձագանքել։
Հրապարակումը մեկնաբանել է միայն ՀՀ ԳԱԱ բնապահպանական–նոոսֆերայի հետազոտությունների կենտրոնի սննդային շղթաների ռիսկերի գնահատման ղեկավար Դավիթ Պիպոյանը, ով նշեց, որ լուսանկարով դժվար է պատկերացում կազմել այդ կոշտացումների բնույթի և պատճառի մասին։ Նա նաև ասաց, որ կասկածում է, թե դիտավորությամբ ներարկիչով ծակել են մանդարինը, ընդգծելով, որ, հաշվի առնելով պտղի փափկությունը, այն, նախևառաջ, հյութ բաց կթողներ, և երկրորդ` կսկսեր միանգամից փտել ներարկման տեղում։ -0-