Հետախույզ Գոհար Վարդանյանը նշում է 93-րդ տարեդարձը

ԵՐԵՎԱՆ, 25 հունվարի. /Նովոստի-Արմենիա/. Ռուսաստանի Արտաքին հետախուզության ծառայությունը շնորհավորել է լեգենդար հետախույզ Գոհար Վարդանյանին 93-ամյակի առթիվ, ՏԱՍՍին է հայտնել ԱՀԾ մամուլի ծառայության պետ Սերգեյ Իվանովը:

«Այսօր` հունվարի 25-ին, իր 93-րդ տարեդարձն է նշում լեգենդար հետախույզ Գոհար Լևոնովնա Վարդանյանը: Այս տոնական օրը Գոհար Լևոնովնայի բոլոր գործընկերները, ԱՀԾ աշխատակիցներն ու վետերանները միանում են շնորհավորանքներին և մաղթում քաջառողջություն, երկարակեցություն, ուրախություն և հիանալի տրամադրություն»,- ասել է Իվանովը:

Մամուլի ծառայության պետը պատմել է Վարդանյանին նվերներ նվիրելու ավանդույթի մասին: Դրանք իրենց ձեռքերով պատրաստել են երկրի տարբեր ծայրերում ապրող մարդիկ: Այս տարի Մոսկվայի խոհարարական քոլեջի ուսանողները տորթ են պատրաստել, իսկ Կոստրոմայի մարզի վարպետը պատրաստել է անվանական վալենկաներ` զարդարված մարգարիտներով:

Գոհար Վարդանյանը 16 տարեկանում ընդգրկվել է իր ապագա ամուսին և համախոհ Գևորգ Վարդանյանի հակաֆաշիստական խմբում: 1943 թվականին այդ խմբի կազմում մասնակցել է Թեհրանի համաժողովի անվտանգության ապահովման օպերացիայի իրականացմանը: 1951 թվականին Վարդանյան ամուսինները դուրս կբերվեն ԽՍՀՄ-ից, 1956 թվականին հաջողությամբ ավարտել են Երևանի օտար երկրների ինստիտուտը և 30 տարիների ընթացքում աշխատել են էքստրեմալ պայմաններում աշխարհի տարբեր երկրներում, 1986 թվականին վերադարձել են Հայրենիք:

Վարդանյանը պարգևատրվել է Կարմիր դրոշի, Հայրենական պատերազմի II աստիճանի շքանշաններով և բազմաթիվ մեդալներով: -0-