ԵՐԵՎԱՆ, 26 օգոստոսի. /Նովոստի-Արմենիա/. Թուրքական խորհրդարանի հայազգի պատգամավոր Գարո Փայլանին նախօրեին ծեծել են Ստամբուլում կայացած խաղաղ ցույցի ժամանակ:
Ոստիկանների հետ ցուցարարների քաշքշուքի կադրերով վիդեոն Facebook-ում հրապարակել է Արդարադատության և ժողովրդավարության եվրոպական հայկական ֆեդերացիան:
Փայլանը փորձել է պաշտպանել իրավապաշտպաններին և որոշ ցուցարարների, ում նույնպես ծեծել են ոստիկանությանա աշխատակիցները:
ԶԼՄ-ների հաղորդմամբ, ոստիկանությունը ցրել է խաղաղ հանրահավաքը` կիրառելով մահակներ, ջրցաններ և արցունքաբեր գազ: Ամեն շաբաթ` արդեն 700-րդ անգամ անցկացվող ակցիայի 47 մասնակից կանայք ձերբակալվել են:
«Շաբաթօրյա մայրերի» ավանդական խաղաղ նստացույցը կազմակերպում են քուրդ կանայք, ովքեր ամեն շաբաթ օր հավաքվում են Գալաթասարայ հրապարակում 80-90-ականներին ձերբակալված ու այնուհետև անհետ կորած իրենց մտերիմների ճակատագրի նկատմամբ ուշադրություն հրավիրելու համար: Այդ իրադարձությունները կապված են թուրք իշխանությունների և Քրդստանի աշխատավորական կուսակցության ակտիվիստների բազմամյա դիմակայության հետ:
Գարո Փայլանը թուրքական մեջլիսի պատգամավոր է ընտրվել 2015 թվականին քրդամետ Ժողովուրդների դեմոկրատական կուսակցությունից: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
