Գարնանային առողջացում` սմուզի բանանով և արքայանարնջով

ԵՐԵՎԱՆ, 17 մարտի. /Նովոստի-Արմենիա/. Ձմռան վերջը և գարնան սկիզբը համարվում է ավիտամինոզի ժամանակաշրջան, քանի որ քիչ են մրգերն ու բանջարեղենը, իսկ առկա տեսականին ջերմոցներից է: Այդ իսկ պատճառով սզուզին (smoothie) լավագույն տարբերակն է օրգանիզմը հարստացնելու համար վիտամիններով: Բացի այդ, դա պարզապես շատ համեղ է:

Սմուզին բլենդերում խառնած մրգերից ու հատապտուղներից ստացվող խիտ ըմպելիք է, որին կարելի է նաև հյութ կամ կաթ ավելացնել:

Kitchenmag.ru-ն ներկայացնում է արքայանարնջով և բանանով սմուզիի օրիգինալ բաղադրատոմսը.

Բաղադրիչներ՝

 • Արքայանարինջ 2 հատ
 • Բանան 2 հատ
 • Նարինջ 1 հատ
 • Բնական յոգուրտ (կարելի է փոխարինել կեֆիրով) 8 ճաշի գդալ

 Պատրաստման եղանակը.

 1. Մաքրել արքայանարինջը և բանանը
 2. Արքայանարինջն ազատել կորիզներից
 3. Կտրատել միրգը ոչ շատ մեծ կտորների և խառնել բլենդերում
 4. Հյութաքամել նարինջը
 5. Մրգին ավելացնել նարնջի հյութը և յոգուրտը, շարունակել խառնել
6. Ստացված ըմպելիքը տեղափոխել բաժակների մեջ և մատուցել

Սմուզին գերազանց տարբերակ է նախաճաշի, երկրորդ նախաճաշի համար, ինչպես նաև ընկերների հետ հաճելի ժամանցի համար: Բարի ախորժակ: -0-