Coca-Cola–ն ու PepsiCo–ն կնվազեցնեն շաքարի պարունակությունն իրենց ըմպելիքներում

ԵՐԵՎԱՆ, 26 օգոստոսի. /Նովոստի–Արմենիա/. Ըմպելիքների արտադրությամբ զբաղվող 7 խոշոր ընկերություններ, այդ թվում` Coca-Cola–ն և PepsiCo–ն, կնվազեցնեն շաքարի պարունակությունն իրենց գազավորված ըմպելիքներում, որոնք վաճառվում են Սինգապուրում, հաղորդում է gazeta.ru–ն` հղում անելով Reuters–ին։

Ինչպես հաղորդվում է, արտադրողները նման միջոցներ են ձեռնարկում դիաբետի դեմ ուղղված պայքարի արշավի շրջանակում, որն անցկացվում է Սինգապուրում։

Սինգապուրի առողջապահության նախարարությունը հայտարարել է, որ յոթ ընկերություններ ստորագրել են պայմանավորվածություն, ըստ որի` նրանք պարտավորվում են վաճառքից հանել 12 տոկոսից ավել շաքար պարունակող ըմպելիքները։

Նախորդ տարի հաղորդվում էր, որ PepsiCo–ն մտադիր է զգալիորեն նվազեցնել շաքարի պարունակությունն իր արտադրանքում։–0–