ԵՐԵՎԱՆ, 2 սեպտեմբերի. /Նովոստի-Արմենիա/. Փորձագետները հայտարարել են, որ մեծ քանակությամբ սննդի օգտագործումը երեկոյան, հատկապես քնելուց առաջ, կարող է հանգեցնել ուռուցքային հիվանդությունների և ճարպակալման:
Այս մասին գրում է
vladtime.ru-ն:
Նույնիսկ բազմաթիվ առողջ մարդիկ անտեսում են նախաճաշը` խմելով մի բաժակ սուրճ, այնուհետև ճաշի ժամին մի փոքր ուտում են, և, գալով տուն, ավելի շատ օրական կալորիա են ընդունում, առատ ընթրելով, այնուհետև պառկում են քնելու:
Այդպես անել կտրականապես չի կարելի: Սննդընդունման միջև ընկած երկարատև ընդմիջումները հանգեցնում են մարսողական համակարգի բազմաթիվ խնդիրների, իսկ գիշերը ճարպոտ ուտելիք ուտելը ոչ միայն նպաստում է ճարպակալմանը, այլ նաև կարող է ուռուցքային հիվանդությունների պատճառ դառնալ:
Փորձագետները խորհուրդ են տալիս օրական օգտագործվող կալորիաները բաժանել 5-6 սննդի ընդունման` սնվել ոչ մեծ չափաբաժիններով և հաճախ: Ահա սա է առողջ օրգանիզմի գրավականը:-0-