ԵՐԵՎԱՆ, 27 հուլիսի./Նովոստի–Արմենիա/. «Հիդրոօդերևութաբանության և մոնիթորինգի կենտրոն» ՊՈԱԿ -ի տնօրենի տեղակալ Գագիկ Սուրենյանը Facebook–յան իր էջում ցուցադրել է բացառիկ եղանակային երևույթ` գնդակի մեծության կարկուտ, որը տեղացել է Իտալիայում։
«Իտալիայի Պարմա քաղաքում այսօր տեղացել է թենիսի գնդակի մեծության կարկուտ», – գրել է Սուրենյանը նախօրեին։
Օգտատերերը Սուրենյանի հրապարակման տակ կիսվել են սեփական տպավորություններով և տեսանյութով, որոնց համաձայն` Միլան տանող ճանապարհին ևս տեղացել է խոշոր կարկուտ, որը կոտրել է ավտոմեքենաների դիմային ապակիները, ինչը հանգեցրել է մեծ խցանումների ճանապարհներին։ Դրանից մի քանի շաբաթ առաջ խոշոր կարկուտ է տեղացել Վերոնայում։
Իտալացիները սոցիալական ցանցերում հայտնում են, որ կարկուտի միջին չափսը մոտ 10 սմ է, դրանցից ամենախոշորները վնասել են ավտոմեքենաների դիմային ապակիներն ու թափքերը։ Տուժածների մասին տեղեկություններ չկան։–0–
