Քերոբյանը միլիարդատեր փլեյբոյ Դեն Բիլզերյանի հետ քննարկել է Հայաստանում արտադրական ներդրումներ անելու հնարավորությունները

ԵՐԵՎԱՆ, 6 հուլիսի./Նովոստի-Արմենիա/. ՀՀ էկոնոմիկայի նախարար Վահան Քերոբյանն այսօր հանդիպել է ամերիկահայ միլիարդատեր և փլեյբոյ Դեն Բիլզերյանի հետ:

Սոցցանցերի աստղ Դեն Բիլզերյանը գտնվում է Երևանում; Նրա պաշտոնական խանութում տեղի է ունեցել հանդիպում երկրպագուների հետ:

«Այսօր հանդիպել եմ Դեն Բիլզերյանի և իր գործընկերների հետ` քննարկելու Հայաստանում արտադրական ներդրումներ անելու հնարավորությունները», - գրել է Քերոբյանը Facebook-յան իր էջում:

Բիլզերյանը 2018 թվականին ևս այցելել էր Հայաստան: Այցի ընթացքում նա ՀՀ քաղաքացիություն էր ստացել։ Բիլզերյանն այցելել է նաև Արցախ:-0-