Պարզվել են կանանց մոտ քաղցկեղի առաջացման 2 անսպասելի պատճառները

ԵՐԵՎԱՆ, 30 նոյեմբերի./Նովոստի–Արմենիա/. Ավստրալացի գիտնականները, միավորելով ավելի քան 200 հազար կանանց մասնակցությամբ զանազան հետազոտությունները, պարզել են, որ կրծքագեղձի քաղցկեղի զարգացման մոտ 30 հազար դեպքեր հնարավոր կլինի մոտ ապագայում կանխել, եթե պացիենտները ժամանակին հրաժարվեն ալկոհոլի կանոնավոր օգտագործումից և մարմնի նորմալ զանգված պահպանեն, հայտնում է Medicalxpress–ը, գրում է rg.ru–ն։


«Մենք հայտնաբերել ենք, որ ճարպակալման ներկայիս մակարդակը կարող է դառնալ ապագայում կրծքագեղձի քաղցկեղի կանխարգելվող դեպքերի մասնաբաժինը` քաղցկեղի 17500 դեպք հաջորդ տասնամյակում։ Ալկոհոլին բաժին է ընկնում 11 600 դեպք»,– նշում է դոկտոր Մաարիտ Լաակսոնենը։

Ավստրալացի գիտնականների կարծիքով, կրծքագեղձի քաղցկեղի ռիսկը բարձրանում է, եթե օրական օգտագործվի ընդամենը մեկ ալկոհոլային խմիչք։

Գիտնականները պարզել են նաև, որ հինգ և ավելի տարիների ընթացքում դաշտանադադարի  ժամանակահատվածում կրծքագեղձի քաղցկեղի դեպքերի 7 տոկոսը բացատրվում է հորմոնալ թերապիայի կիրառմամբ։ -0-