ԵՐԵՎԱՆ, 8 նոյեմբերի./Նովոստի–Արմենիա/. Մուլտֆիլմի նման պատմություն է տեղի ունեցել Սորոչինսկում։ Ռեստորանի խոհարարը հայրիկ է դարձել մասնավոր կենդանաբանական այգում ծնված կորյունի համար, հաղորդում է vestirama.ru–ն։
Ծնողներն` Ալեքսն ու Մարկիզան, հրաժարվել են իրենց երրորդ ձագուկից։ 1 ամսական Սիմբային խնամում է Աշոտ Հապետնոքյանը։
«Ես և′ հայրիկ եմ, և′ մայրիկ։ Սկզբում գիշերվա ընթացքում ստիպված էի լինում երկու ժամը մեկ տալ այծի կաթ», – նշում է ռեստորանի խոհարար Աշոտ Հապետնոքյանը։
Загружается новость ... "Лево"
Հիմա Սիմբան արդեն ուտում է 4 ժամը մեկ։ Խմում է 75–100 գրամ գոլ կաթ` նայած տրամադրության։ Սիմբան մասնավոր կենդանաբանական այգում ծնված առաջին բնակիչը չէ։ Բոլոր առյուծները, արջերն ու մյուս բնակիչներն Սորոչինսկ են բերվել մանուկ հասակում։ Այստեղ նրանց մասին հոգ են տանում, այդ պատճառով նրանք կանոնավոր կերպով բազմանում են։
Ի դեպ, Սիմբայով արդեն հետաքրքրվել են Նալչիկի կրկեսից։ Նրա քույրիկն արդեն երեք տարի ելույթ է ունենում Սանկտ Պետերբուրգի կրկեսում։
Շուտով Սորոչինսկի կենդանաբական այգին կհամալրվի ևս մեկ բնակչով։ Հիմա բանակցություններ են ընթանում Հեկտոր վագրիկի ձեռքբերման շուրջ, ով այս ամառ վնասվածքներ է ստացել Բուզուլուկ քաղաքի բնակչի կողմից։–0–
