«Հասցրել է տղամարդուն». Գարիկ Խառլամովը բաժանվում է կնոջից (ՖՈՏՈ)

ԵՐԵՎԱՆ, 22 հունիսի./Նովոստի-Արմենիա/. «Comedy Club»-ի ռեզիդենտ, շոումեն Գարիկ Խառլամովը հայտարարել է իր և կնոջ՝ ռուս դերասանուհի Քրիստինա Ասմուսի բաժանության մասին 8 տարվա ամուսնությունից հետո:

Իր Instagram-ի էջում Խառլամովը հրապարակել է Ասմուսի հետ համատեղ լուսանկար և նշել, որ իրենց ճանապարհը չի վերջանում, այլ փոխադրվում է նոր փուլ, որտեղ միշտ կլինի ընկերություն և հարգանք:

«Այո, մենք բաժանվում ենք: Բայց մենք մնում ենք սիրող ծնողներ հիասքանչ դստեր համար: Սրանք հիասքանչ 8 տարիներ էին: Ես անչափ շնորհակալ եմ Քրիստինային դրանց համար և ամենակարևորի համար, ինչ կա մեր կյանքում՝ մեր դստեր համար»,- գրել է նա լուսանկարին կից:

Խառլամովը հայտնել է, որ շուտով շահարկումներ կսկսվեն, այդ պատճառով միանգամից պարզաբանում է, որ «ոչ համավարակը, ոչ «Տեսքստ» ֆիլմը, ոչ մի երրորդ անձ այդ իրավիճակում մեղավոր չէ»: 

View this post on Instagram

A post shared by Гарик Харламов (@garikkharlamov) on Jun 22, 2020 at 6:57am PDT

«Հիմա ընթանում է ապահարզանի գործընթացը: Սա հեշտ շրջան չէ մեզ համար, այդ պատճառով խնդրում եմ մամուլին ինձ, Քրիստինային և մեր հարազատներին չանհանգստացնել»,- նշել է Խառլամովը:

Ասմուսը նույնպես կիսվել է այս լուրով իր Instagram-ում՝ հրապարակումը սկսելով հումորային արտահայտությամբ:

«8 տարի ամուսնության մեջ. հասցրել եմ տղամարդուն»,- գրել է նա՝ նշելով, որ սա ոչ թե ինքնաբուխ, այլ բավականաչափ վաղուց մտածված և գրեթե մեկ տարի առաջ ձևակերպված որոշում է:

View this post on Instagram

A post shared by Asmus Kristina (@asmuskristina) on Jun 22, 2020 at 6:55am PDT

 

Ավելի վաղ համացանցում սկանդալ էր սկսվել դերասանուհի Քրիստինա Ասմուսի անկեղծ տեսարանից հետո Կլիմ Շիպենկոյի «Տեքստ» ֆիլմում: Համացանցում դերասանուհու հասցեին հնչող քննադատություններից զատ, նրան մեղադրում էին ամուսնուն դավաճանելու մեջ: -0-