Գիտնականները պարզել են պարացետամոլի անսպասելի վտանգը

ԵՐԵՎԱՆ, 22 սեպտեմբերի./Նովոստի–Արմենիա/. Բրիստոլի համալսարանի գիտնականները պարզել են, որ հղիության ժամանակ պարացետամոլի օգտագործումը կարող է հանգեցնել երեխաների վարքագծի խանգարման 6–11 տարեկանում։ Այս մասին գրում է lenta.ru–ն` հղում անելով EurekAlert!–ի մամուլի հաղորդագրությանը։

Պարզվել էր, որ մայրիկների կողմից ցավազրկողների օգտագործումը կարող է հանգեցնել փոքր երեխաների մոտ հիպերակտիվության և անուշադրության։ Տղաներն ավելի դյուրընկալ էին դեղորայքի նկատմամբ, քան աղջիկները։ Ավելի մեծ տարիքում բացասական հետևանքներ չեն նկատվել։ Նշվում է, որ թեստերի արդյունքների վրա չեն ազդել կողմնակի սոցիալական գործոնները, ինչպես նաև այն պատճառները, որոնց դեպքում կանայք օգտագործել են պարացետամոլ։

Գիտնականների խոսքերով, արդյունքները փաստում են, որ կանայք պետք է զգույշ լինեն հղիության ընթացքում դեղորայք ընդունելիս։–0–