Forbes–ը ներկայացրել է, թե ինչ ինքնաթիռներից են օգտվում ռուսաստանցի հայ միլիարդատերերը (ՎԻԴԵՈ)
![Forbes–ը ներկայացրել է, թե ինչ ինքնաթիռներից են օգտվում ռուսաստանցի հայ միլիարդատերերը (ՎԻԴԵՈ) Forbes–ը ներկայացրել է, թե ինչ ինքնաթիռներից են օգտվում ռուսաստանցի հայ միլիարդատերերը (ՎԻԴԵՈ)](/upload/iblock/0e5/zgrldr05vxnsjlnk4ibhnlm2lp9pynmq.jpg)
ԵՐԵՎԱՆ, 14 նոյեմբերի./Նովոստի–Արմենիա/. Forbes ամսագիրը ներկայացրել է «Թանկարժեք իրեր» նոր վիդեոնախագիծը, որում լրագրող և գործարար Թինա Կանդելակին պատմում է, թե ինչ ինքնաթիռներից են օգտվում ռուսաստանցի միլիարդատերերը։
Ռուսաստանցի միլիարդատերերի թվում են հայկական արմատներ ունեցող երեք ձեռներեցներ` «Մագնիտ» ցանցի հիմնադիր Սերգեյ Գալիցկին (նախկին ազգանունը` Հարությունյան, խմբգր.), «Տաշիր» ընկերությունների խմբի սեփականատեր Սամվել Կարապետյանն ու «Սկարտել» ընկերության հիմնադիր և սեփականատեր Ալբերտ Ավդոլյանը։
Ինչպես նշվում է հոդվածում, 2018թ.–ին Գալիցկին ձեռք է բերել Gulfstream G650 տիպի ինքնաթիռը` M-YGLF բորտային համարով (ինչը նշանակում է «Իմ Գոլֆստրիմ»), ինքնաթիռն արժե 60 մլն դոլար։ Այն իր կատեգորիայի ամենաժամանակակից և ուլտրամոդայիկ օդանավերից է, որը կարող է առանց վերալիցքավորման հաղթահարել մոտ 13 հազար կիլոմետր` 982 կմ/ժ արագությամբ։
Forbes–ի տվյալներով, Gulfstream G650 տիպի օդանավ ունի նաև Սամվել Կարապետյանը, իսկ Ալբերտ Ավդոլյանը ձեռք է բերել Bombardier Global 6000 ջեթը, որն արժե մոտ 34 մլն դոլար։–0–