Ամերիկացի հայտնի դերասանուհին պսակադրվել է Լոնդոնում գտնվող հայկական եկեղեցում (ՖՈՏՈ)

ԵՐԵՎԱՆ, 1 հուլիսի./Նովոստի–Արմենիա/. Հայտնի դերասանուհի Քեթրին ՄաքՖիի և երաժշտական պրոդյուսեր Դևիդ Ֆոսթերի միջև 34 տարվա տարբերություն է, սակայն դա չի խանգարել ո′չ նրանց սիրուն, ո′չ գեղեցիկ հարսանիքին, որը տեղի է ունեցել հունիսի 28–ին Լոնդոնում։

Պսակադրությունը տեղի է ունեցել Քենսինգթոնում գտնվող հայկական Սուրբ Եղիշե եկեղեցում` 100 հյուրերի ներկայությամբ, որոնց թվում են հայտնի թենիսիստ Ռոջեր Ֆեդերերն ու դիզայներ Զակ Պոզենը, ով ի դեպ 35–ամյա Քեթրինի հարսանեկան զգեստի հեղինակն է, գրում է 7sisters.ru–ն։

View this post on Instagram

A post shared by David Foster (@davidfoster) on Jun 29, 2019 at 10:46am PDT

Պաշտոնական մասից հետո նորապսակներն ու նրանց մտարիմները հարսանեկան երեկույթը նշել են Մեյֆերում գտնվող Oswalds Club–ում։ Այնտեղ Քեթրինը ներկայացել է հարսանեկան երկրորդ զգեստով` կարված երկնագույն մետաքսից։ Դերասանուհին հասցրել է սոցցանցերում տեղեկացնել, որ վերցրել է ամուսնու ազգանունը, և հիմա նա Քեթրին Ֆոսթեր է։

Դևիդ Ֆոսթերը կանադացի երաժիշտ է և երաժշտության պատմության ամենահաջողակ պրոդյուսերներից մեկը, նա «Սիրունիկը» ֆիլմում հնչող «No Explanation» երգի հեղինակն է։ Ֆոսթերը 16 անգամ արժանացել է Գրեմմիի, որից երեքը` «Տարվա լավագույն պրոդյուսեր» անվանակարգում։

Դևիդը նախկինում 4 անգամ ամուսնացած է եղել, այդ թվում` թոփ–մոդելներ Ջիջի և Բելլա Հադիդների մոր` Իոլանդա Հադիդի հետ (2007–2017թթ.)։ Ֆոսթերն ունի 5 դուստր և 7 թոռ։

Քեթրինի հետ պրոդյուսերը սկսել է հանդիպել 2017թ.–ին։ Սկզում ոչ ոք լուրջ չէր ընդունում այդ սիրավեպը։ Սակայն 2018թ.–ի հուլիսին զույգը հայտարարեց նշանադրության մասին։ Այդ ժամանակ Ֆոսթերը Քեթրինին նվիրեց 140000 դոլար արժողությամբ ցնցող մատանի։–0–

View this post on Instagram

A post shared by David Foster (@davidfoster) on Feb 10, 2019 at 7:34pm PST