ԵՐԵՎԱՆ, 29 հունվարի. /Նովոստի–Արմենիա/. Հայտնի է Եկատերինբուրգի Գնչուական ավանում հրդեհից երեք երեխաների փրկած հերոսի անունը, ասվում է ՌԴ Սվերդլովսկի մարզի ԱԻՆ
կայքում։
Դա 30–ամյա Գևորգ Ավետիսյանն է։ Ռուսաստանի Սվերդլովսկի մարզի ԱԻՆ վարչությունը կպարգևատրի հերոսին ցուցաբերած խիզախության համար։
Загружается новость ...
"Право"
Գևորգն անցնում էր մեքենայով Դեպուտատսկայա փողոցի 53 տան կողքով և, ծուխ նկատելով, կանգ է առել և մոտեցել այրվող տանը։ Պատուհանում տեսել է, որ ինչ–որ մեկը ձեռքերը թափահարում է և շտապել է օգնության` կոտրել է պատուհանը և դուրս բերել երեխաներին։
Երեք երեխաները` 12 տարեկան երկու աղջիկները և 10–ամյա տղան, փրկվել են, նրանցից ոչ ոք չի տուժել։ Համոզվելով, որ տանն այլևս մարդ չկա` Գևորգը երեխաներին փոխանցել է հարևանուհուն։ -0-
