10 մթերք. ինչպես պաշտպանվել քաղցկեղից սեփական ուժերով.

ԵՐԵՎԱՆ, 29 սեպտեմբերի./Նովոստի–Արմենիա/. Գիտնականներին հաջողվել է պարզել բիոակտիվ նյութերը, որոնք առկա են սննդամթերքում և կարող են ունենալ դեղորայքային ազդեցություն։ Գիտնականները նաև պարզել են այդ նյութերի չափաբաժինը, որն անհրաժեշտ է դրական արդյունք ստանալու համար, հաղորդում է life.ru–ն։

Հարվարդի համալսարանի բժիշկ Ուիլյամ Լին այս ամենի մասին գրել է իր նոր գրքում։ Լին ուսումնասիրել է մարդու օրգանիզմի առանցքային պաշտպանական մեխանիզմներն ու որոշել այն մթերքները, որոնք խթանում են այդ մեխանիզմների աշխատանքը։

ԸՆԿՈւՅԶ

Շաբաթական ընդամենը 14 ընկույզը 42%–ով նվազեցնում է հաստ աղու քաղցկեղի կրկնության ռիսկը։

ՍՈՅԱ

Օրական 10գ սոյայի սպիտակուցը 29%–ով նվազեցնում է կրծքագեղձի քաղցկեղից մահանալու ռիսկը։

ԳԱԶԱՐ

Գազարը պարունակում է հակաօքսիդանտներ, որոնք պաշտպանում են ԴՆԹ–ն շրջակա միջավայրի բացասական ազդեցությունից։

ԲԱՆԱՆ

Բանանը պարունակում է մագնիում, որն աջակցում է ԴՆԹ–ի վերականգնման մեխանիզմներին։

ԿԱՐՄԻՐ ՄԻՐԳ ԵՎ ԲԱՆՋԱՐԵՂԵՆ

Լիկոպինը կարոտինոիդային պիգմենտ է, որը որոշում է որոշ պտուղների գույնը։ Այն ամենաարդյունավետ բնական հակաօքսիդանտն է։

ՆԱՐԻՆՋ

Նարինջը С վիտամինի հզոր աղբյուր է։ Բացի այդ, այն պարունակում է միացություններ, որոնք լավացնում են արյան պաշտպանիչ ֆունկցիաները։

ՀԱՏԱՊՏՈւՂՆԵՐ

Օգնում են չեզոքացնել ազատ ռադիկալները, որոնք վնասում են ԴՆԹ–ի կառուցվածքը։

ԲՐՈԿԿՈԼԻ

Բրոկկոլին պարունակում է սուլֆորաֆան, որը նվազեցնում է քաղցկեղածին բջիջների ակտիվությունը։

ՈՍՏՐԵ

Ոստրեն տաուրինի հիանալի աղբյուր է, որը պաշտպանում է ԴՆԹ–ն ազատ ռադիկալներից։

ՔՐՔՈՒՄ

Քրքումն արգելափակում է օրգանիզմի բորբոքային պրոցեսները, ինչի արդյունքում քաղցկեղածին բջիջների համար չի ստեղծվում բարենպաստ միջավայր բազմանալու համար։–0–