ԵՐԵՎԱՆ, 21 դեկտեմբերի. /Նովոստի-Արմենիա/. Երաժիշտ Վահան Արծրունին իրեն ապօրինաբար ԱԱԾ կանչելու առիթով դիմել էր օմբուդսմեն Արման Թաթոյանին, գրում է «Հրապարակ» թերթը:
Ավելի վաղ հայտնի էր դարձել, որ ԱԱԾ-ին հետաքրքրել էր, թե որտեղ է եղել և ինչ է արել Արծրունին Երևանում ՊՊԾ գնդի շենքի զավթման օրերին։
«Անդրադառնալով Ձեր դիմումի մեջ նշված «քաղաքական ճնշմանը» և «խոսքի ազատության սահմանափակմանը» վերաբերող հարցադրումներին՝ անհրաժեշտ է նշել, որ տվյալ իրավիճակում հնարավոր չէ տալ նման գնահատական կամ որակում, քանի որ իրավապահ մարմնի հրավերն ընդունելու և առաջադրված հարցերին պատասխաններ ներկայացնելու վերաբերյալ, ինչպես Ձեր դիմումում նշված, այնպես էլ ԶԼՄ-ներում հրապարակված տեղեկությունները վկայում են, որ դա տեղի է ունեցել կամովին», - մեջբերում է պարբերականը Օմբուդսմենի խպոսքերը:
«Այսինքն, եթե գողը փոստատար ներկայանա, դու էլ դուռը բացես, ու ինքը քեզ կողոպտի, օրենքի խախտում չի կարող արձանագրվել, որովհետև դուռը կամովին ես բացել», - եզրակացնում է հայտնի երաժիշտը։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում