Հայաստանում կարող է ստեղծվել հեռահար ուսուցման կենտրոն. նախարար
ԵՐԵՎԱՆ, 2 ապրիլի. /Նովոստի-Արմենիա/. Հայաստանում կարող է ստեղծվել հեռահար ուսուցման կենտրոն, երեքշաբթի երկրում կրթության ոլորտի խնդիրների քննարկման ընթացքում ասաց կրթության և գիտության նախարար Արայիկ Հարությունյանը:
Ըստ նրա, այսօր Հայաստանի հանրակրթական համակարգում կան մի շարք խնդիրներ, այդ թվում` թերի կահավորված դասարաններ, գյուղական դպրոցներ, որտեղ տարբեր դասարանների աշակերտները միասին են սովորում:
Նա նշեց նաև մասնագետների բացակայությունը, որոշ գյուղերից դպրոցների հեռու լինելը, ինչը հաճախելիության խնդիրներ է առաջացնում:
Նա նշեց, որ նախարարությունը ծանոթ է ոլորտի բոլոր խնդրներին և փորձում է համապասխան լուծումներ գտնել դպրոցների վերանորոգման, որակյալ կրթության ապահովման համար, հավելելով, որ մշակվել են որոշակի լուծումներ, որոնք պետք է իրականացնել և ներդնել:
«Այսօր հիմնական խնդիրն է ֆինանսական միջոցների հայթաթումը դպրոցների վերանորոգման համար, և լուծումներից մեկը կարող է դառնալ մոդուլային դպրոցների ստեղծման սկզբունքի ներդրումը, ինչը հնարավորություն կտա կրճատել շինարարական ծախսերը», - ասաց Հարությունյանը:
Ըստ նրա, նախարարությունը մշակում է հեռահար կրթության ծրագիր, և դասարաններում ուսուցման մեթոդաբանություն, որտեղ կրթություն են ստանում տարբեր տարիքի աշակերտներ (օրինակ, միաժամանակ 5-րդ, 6-րդ և 7-րդ դասարանների աշակերտները):
Այս կապակցությամբ նա նշեց, որ դիտարկվում է նաև հեռահար կրթական կենտրոնի ստեղծման հնարավորությունը, ինչը հատկապես արդիական կլինի հեռավոր գյուղերի աշակերտների համար:-0-
