WhatsApp-ի խմբային վիդեո և աուդիո զանգերին այժմ կարող է մասնակցել մինչև 8 մարդ

ԵՐԵՎԱՆ, 3 մայիսի․ /Նովոստի-Արմենիա/․ Այժմ WhatsApp հավելվածում խմբային զանգերին կաորղ է մասնակցել մինչև 8 մարդ։ Այս մասին ասվում է հավելվածի պաշտոնական կայքում։

«COVID-19 կորոնավիրուսի համաճարակը հանգեցրել է նրան, որ մեզանից շատերը հեռու են մնացել ընկերներից և ընտանիքից: Այս առումով, ամբողջ աշխարհում մարդիկ սկսել են WhatsApp աուդիո և վիդեո զանգերն օգտագործել ավելի հաճախ, քան երբևէ: Խմբային զանգերն այժմ հատկապես տարածված են, և օգտատերերը խնդրել են մեզ ավելացնել այն մարդկանց թիվը, ովքեր կարող են միաժամանակ մասնակցել դրանց: Այսօրվանից մենք կրկնապատկում ենք WhatsApp խմբային աուդիո և վիդեո զանգերի մասնակիցների թիվը ՝ չորսից մինչև ութ»,- ասվում է WhatsApp-ի պաշտոնական կայքի հաղորդագրության մեջ։

Անցած մեկ ամսվա ընթացքում WhatsApp- ի զանգերի տևողությունը կազմել է օրական ավելի քան տասնհինգ միլիարդ րոպե, ինչը զգալիորեն գերազանցում է ամենօրյա վիճակագրությունը նախքան համաճարակի առաջացումը: Ինչպես տեքստային հաղորդագրությունները, բոլոր զանգերը նույնպես պաշտպանված են ծածկագրման միջոցով:
«Մենք ստեղծել ենք խմբակային զանգեր, որպեսզի դրանք հասանելի լինեն օգտագործողների ամենամեծ թվին, նույնիսկ նրանց համար, ովքեր ունեն էժան սարք կամ կապի ցածր արագություն»,- նշվում է հաղորդագրության մեջ։

Քանի որ մարդիկ օգտագործում են հաղորդակցման տարբեր եղանակներ, WhatsApp- ը հասանելի է նաև Portal սարքերում :  

Հավելված նոր հնարավորությունն օգտագործելու համար բոլոր օգտատերեը պետք է այն թարմացնեն iPhone- ի և Android- ի համար հասանելի վերջին տարբերակին: -0-