Սպորտը կարող է ազատել դեպրեսիայից և տագնապից. բժիշկներ

ԵՐԵՎԱՆ, 6 սեպտեմբերի. /Նովոստի–Արմենիա/. Շվեյցարիայի և Նիդեռլանդների գիտնականները հետազոտություն են անցկացրել և պարզել են, որ ֆիզիկական ակտիվությունը նվազեցնում է թոքերի քրոնիկ օբստրուկտիվ հիվանդությամբ տղամարդկանց և կանանց դեպրեսիայի և տագնապի զգացողությունը։

Այդ մասին հայտնում է Medical Express կայքը, գրում է gazeta.ru–ն։

Գիտափորձին մասնակցել է թոքերի քրոնիկ օբստրուկտիվ հիվանդությամբ տառապող 409 հիվանդ։ Նշենք, որ այդ հիվանդության գլխավոր ախտանիշը շնչառական ուղիներում օդի հոսանքի մասնակի անդառնալի սահմանափակումն է։

Հետազոտությունը տևել է հինգ տարի, և այդ ժամանակահատվածում դրա մասնակիցներն ամեն տարի հորմոնալ անալիզներ են հանձնել, վարակների անալիզներ, ինչպես նաև նյարդաբանական բուժզննում։

Բացի այդ, կամավորներին հարցրել են` արդյո՞ք, դեպրեսիա են տանում կամ տագնապի զգացողություն ունեն։

Արդյունքում պարզվել է, որ սպորտով զբաղվող մասնակիցները 11 տոկոսով պակաս են տառապել տագնապի զգացումից և 15 տոկոսով պակաս` դեպրեսիայից։ Գիտնականների կարծիքով, իրենց աշխատանքի արդյունքներն ապացուցում են, որ սպորտը կարող է փրկել քրոնիկ տարբեր հիվանդություններով տառապող հիվանդներին հոգեբանական խնդիրներից։ -0-