Մոսկվայի քաղաքապետարանի պատվիրակությունն այցելել է «Թումո» ստեղծարար տեխնոլոգիաների կենտրոն
![Մոսկվայի քաղաքապետարանի պատվիրակությունն այցելել է «Թումո» ստեղծարար տեխնոլոգիաների կենտրոն Մոսկվայի քաղաքապետարանի պատվիրակությունն այցելել է «Թումո» ստեղծարար տեխնոլոգիաների կենտրոն](/upload/iblock/ea8/r0cg0q2032kr8pe1bn01i3ht7ac72uqh.jpg)
ԵՐԵՎԱՆ, 5 հունիսի. /Նովոստի–Արմենիա/. «Մոսկվայի քաղաքապետարանի պատվիրակությունը ուրբաթ Երևանում այցելել է «Թումո» ստեղծարար տեխնոլոգիաների կենտրոն», – հայտնում է քաղաքապետարանի մամուլի ծառայությունը։
Պատվիրակության այցի ընթացքում Երևանի Կենտրոն վարչական շրջանի ղեկավարի և Մոսկվայում Երևանի քաղաքապետարանի ներկայացուցչության ղեկավարի ուղեկցությամբ հյուրերը շրջել են կենտրոնում, ծանոթացել ուսուցման ընթացքին նաև ունկնդրել կենտրոնի երաժիշտ սաներին։
Մոսկվայի պատվիրակությունը, որը գլխավորել է Մոսկվայի քաղաքապետարանի առևտրի և սպասարկումների դեպարտամենտի ղեկավար Ալեքսեյ Նեմերյուկը, հայկական մայրաքաղաք է ժամանել Երևանի քաղաքապետարանի և Մոսկվայի կառավարության միջև համագործակցության շրջանում։
«Թումո» ստեղծարար տեխնոլոգիաների կենտրոնը բացվել է Հայաստանում 2011թ.–ի օգոստոսին։ «Թումո» կենտրոնը նախատեսված է 12-18 տարեկան երեխաների համար։ Կենտրոնը տեղեկատվական տեխնոլոգիաների անվճար ուսուցում է իրականացնում և հայ պատանիներին ծանոթացնում առաջատար տեխնոլոգիաներին, նրանց համար ՏՏ ոլորտների առավել խորը ուսումնասիրման հնարավորություն ստեղծում:
Կենտրոնի ստեղծումից ի վեր այստեղ ավելի քան 10 հազար երեխա է սովորել։
Ներկա պահին «Թումո» կենտրոնի ստորաբաժանումներ են գործում Գյումրի և Դիլիջան քաղաքներում, շուտով կենտրոն կբացվի նաև Ստեփանակերտում։-0-