Apple-ի սմարթֆոնների սիրահարներն արդեն այսօրվանից կարող են Հայաստանում ձեռք բերել iPhone 4S, երկուշաբթի հաղորդում է հայկական telecom.arka.am հեռահաղորդակցական պորտալը՝ հղում անելով IPhone.am ընկերությանը:
Հոկտեմբերի 14-ին Apple ընկերությունը ԱՄՆ-ում, Կանադայում, Մեծ Բրիտանիայում, Գերմանիայում, Ֆրանսիայում, Ավստրալիայում և Ճապոնիայում սկսել է iPhone 4S նոր սմարթֆոնների վաճառքը, որը նախորդ սարքի միայն էվոլյուցիոն նորացված տեսակը լինելով՝ կարող է դառնալ Apple հեռախոսի ամենաճանաչված մոդելը:
«Ինչպես սև, այնպես էլ սպիտակ մոդելները, որոնք կապված չեն կոնկրետ օպերատորին, հիշողության տարբեր ծավալով հնարավոր կլինի ձեռք բերել արդեն ժամը 15:00-ից»,- գործակալությանը հաղորդեցին ընկերությունից:
Ինչպես սև, այնպես էլ սպիտակ նոր մոդելի արժեքը կազմում է 498 հազար դրամ՝ 16 Գբ հիշողությամբ iPhone 4S-ի համար, 32 Գբ հիշողությամբ մոդելինը՝ 535 հազար դրամ, իսկ 64 Գբ հիշողությամբ՝ 572 հազար դրամ:
Ինչպես ավելի վաղ հայտնել էր Հայաստանում Apple-ի պաշտոնական ներկայացուցիչը՝ Orange Armenia բջջային օպերատորը, ընկերությունը մինչև տարեվերջ տեղական շուկայում կներկայացնի պաշտոնական iPhone 4S-ը, քանի որ iPhone 4S վաճառքի հերթական փուլը մեկնարկում է հոկտեմբերի 28-ից, և դեռ Հայաստանը չի մտնում այն երկրների ցուցակ, որտեղ դրանք իրականացվելու են:
Orange Armenia ընկերությունը iPhone-ի ուղղությամբ Հայաստանում Apple-ի բացառիկ և միակ գործընկերն է:
Ընդ որում IPhone.am խանութում իջեցրել են նախորդ մոդելի՝ Iphone 4-ի գները, որն այժմ կարելի է ձեռք բերել 323 հազար դրամով և 370 հազար դրմով՝ 16 Գբ և 36 Գբ հիշողությամբ մոդելի համար՝ համապատասխանաբար: Ավելի վաղ դրանք 339 հազար և 379 հազար դրամ արժեին՝ 16 Գբ և 36 Գբ հիշողությամբ սև մոդելի համար, համապատասխանաբար (359 հազար և 399 հազար դրամ՝ համանման սպիտակ մոդելների համար):
Իսկ Orange Armenia բջջային օպերատորի մոտ IPhone 4 սև մոդելի արժեքը կազմում է 333 հազար դրամ և 390 հազար դրամ՝ 16 Գբ և 36 Գբ հիշողությամբ մոդելների համար՝ համապատասխանաբար, ինչպես նաև՝ օպերատորի արտոնագրված սակագնային փաթեթներին միանալու հնարավորությամբ:
ԱՄՆ-ում օպերատորի երկու տարվա պայմանագրով iPhone 4S արժեքը կազմում է $199 ՝ 16 Գբ ներքին հիշողությամբ մոդելի համար, $299՝ 32 Գբ-ի, $399 ՝ 64 Գբ-ի համար: Բացի այդ, արդեն նոյեմբերին հնարավոր կլինի գնել iPhone 4S վարկածը՝ առանց որևէ օպերատորի կապվածության, այդ դեպքում գինը կազմում է $649, $749 և $849՝ 16, 32 և 64 Գբ հիշողությամբ մոդելների համար՝ համապատասխանաբար ($1 – 377,98 դրամ): --0—
