Հայաստանի ԳԱԱ-ի ընդհանուր ժողովը տեղի կունենա հոկտեմբերի 31-ին

ԵՐԵՎԱՆ, 30 հոկտեմբերի. /Նովոստի-Արմենիա/.  Հայաստանի գիտությունների ազգային ակադեմիայի ընդհանուր ժողովը տեղի կունենա հոկտեմբերի 31-ին։

Ինչպես երեքշաբթի «Նովոստի-Արմենիա» գործակալությանը տեղեկացրեցին ակադեմիայի տեղեկատվության ծառայությունից, ժողովին ելույթ կունենա ՀՀ ԳԱԱ-ի նախագահ, ակադեմիկոս Ռադիկ Մարտիրոսյանը գիտության բնագավառում տեղի ունեցող բարեփոխումների գործընթացի, ինչպես նաև Հայաստանի և Սփյուռքի միջև գիտական կապերի աշխուժացմանը առնչվող հարցերի մասին զեկույցով։

Ըստ օրակարգի՝ ՀՀ ԳԱԱ-ի ակադեմիկոսների և անդամ-թղթակիցների կանոնադրական պարտականությունների կատարման մասին զեկույցով հանդես կգա Ակադեմիայի փոխնախագահ, ակադեմիկոս Յուրի Շուքուրյանը։

Ծրագրված է նաև ԳԱԱ-ի ակադեմիկոս-քարտուղար Բաբկեն Հարությունյանի ելույթը, որը նվիրված է ՀՀ ԳԱԱ-ի կանոնադրության նոր նախագծի մշակման հանձնաժողովի ստեղծմանը։-0-