ԵՐԵՎԱՆ, 7 դեկտեմբերի. /Նովոստի-Արմենիա/. Ճանապարհային երթևեկության անվտանգության ֆոնդի (AAA Foundation for Traffic Safety) մասնագետների հետազոտության արդյունքները ցույց են տվել, որ օրական յոթ ժամից պակաս քունը կրկնակի ավելացնում է ավտովթարի ենթարկվելու ռիսկը։
Ինչպես ցույց է տվել ուսումնասիրությունը, օրական յոթ ժամի փոխարեն հինգ–վեց ժամ քնած վարորդները գրեթե կրկնակի հաճախ են ՃՏՊ–ներում հայտնվել։ Ընդ որում` որքան քիչ է քնել վարորդը, այնքան նրա համար ավելացել է վթարի ենթարկվելու ռիսկը։ Օրական 4-5 ժամ քնելու դեպքում ՃՏՊ–ների ռիսկն ավելացել է 4.3 անգամ։ Իսկ օրական 4 ժամից պակաս քնելը վթարի ենթարկվելու հավանականությունը մեծացրել է 11.3 անգամ։
«Մեր հետազոտությունը ցույց է տալիս, որ օրական հինգ ժամից պակաս քնող վարորդը ՃՏՊ–ում հայտնվելու նույն ռիսկն ունի, ինչ որ ոգելիցի ազդեցությամբ ղեկի նստած վարորդը»,– ասում է Ճանապարհային երթևեկության անվտանգության ֆոնդի գործադիր տնօրեն Դևիդ Յանը, գրում է
vokrugsveta.ru–ն։
«Մենք շատ հաճախ զոհում ենք քնի մի քանի ժամը հանուն աշխատանքի կամ անձնական կյանքի»,– ավելացնում է նրա գործընկեր Ջեյք Նելսոնը։ – Բայց քնի առողջ ժամանակացույցը չպահպանելը կարող է վտանգել և սեփական, և ճանապարհային երթևեկության մյուս մասնակիցների բարեկեցությունը»։
Հետաքրքիր է, որ ղեկին քնած վարորդների կեսից ավելին հոգնածություն չեն զգացել, կամ քնատության հետ կապված որևէ այլ ախանիշ չեն ունեցել` նրանց աչքերը չեն փակվել, նրանք չեն «լողացել» ճանապարհի վրայով։
Ծրագրելով երկար ուղևորություններ` գիտնականները խորհուրդ են տալիս անպայման լավ քնել, ճանապարհ ընկնել առավոտից, կանգառներ կատարել յուրաքանչյուր երկու ժամը մեկ, խուսափել ծանր սնունդից և չընդունել դեղորայք, որը կարող է քնկոտություն առաջացնել և բաթացնել ուշադրությունը։
Այս դեպքում վատ չի լինի առույգ ճանապարհակից վերցնել, ով կկարողանա ժամանակ առ ժամանակ փոխարինել վարորդին ղեկին։
Ճանապարհային երթևեկության անվտանգության ֆոնդի հաղորդման մեջ հաղորդման մեջ ասվում է. ԱՄՆ–ի վարորդների մեկ երրորդը քնում է օրական խորհուրդ տրվող յոթ ժամից ոչ պակաս։ Մահվան ելքով ՃՏՊ–ների հինգերորդ մասն ամերիկյան ճանապարհներին տեղի են ունենում քնատ վարորդների պատճառով։ -0-
