Օրական երկու բաժակ գինին կօգնի այրել ճարպը. հետազոտություն

16:05

19 Ապրիլի 2016

ԵՐԵՎԱՆ, 19 ապրիլի. /Նովոստի–Արմենիա/. Կարմիր գինին պարունակում է ռեսվերատրոլ հակաօքսիդանտ, որը գինին վերածում է ճարպ այրող, ինչպես նաև Ալցհայմերի հիվանդության զարգացումը կանխարգելող խմիչքի։

Բարի լուր գինու սիրահարների համար` գիտնականները եկել են եզրակացության, որ օրական երկու բաժակ այս խմիչքի օգտագործումն օգնում է այրել ճարպը։ Դա է հաստատել գիտական հետազոտությունը, որի արդյունքները հրապարակել է La Vanguardia թերթը, գրում է ՏԱՍՍ–ը։

Հարվարդի բժշկական դպրոցի մասնագետները, ինչպես նշում է պարբերականը, 13 տարիների ընթացքում հետևել են տարբեր տարիքի գրեթե 20 հազար կանանց կենսակերպին։ Ուսումնասիրության ավարտին նրանք եկել են այն եզրահանգման, որ ալկոհոլի չափավոր օգտագործումը նվազեցնում է ավելորդ քաշի ռիսկը և օգնում է պայքարել ճարպակալման դեմ։

вино

«Որոշ գիտական ուսումնասիրություններ հաստատել են, որ միջերկրածովյան սննդակարգում գինու չափավոր օգտագործումը` օրական 250 մլ, առավելություններ ունի»,– նշում է դիետոլոգ Սարա Անտոլինը, ում խոսքն է մեջբերում թերթն ի հաստատումն ամերիկացի գիտնականների եզրակացությունների։

«Խոսքը սրտանոթային հիվանդությունների կանխարգելման, «վատ» խոլեստերինի մակարդակի նվազման և «լավ» խոլեստերինի մակարդակի բարձրացման, արյան շրջանառության բարելավման կամ աթերոսկլերոզի կանխարգելման մասին է»,– պարզաբանում է փորձագետը։

Բացի այդ, Անտոլինի խոսքով, կարմիր խաղողը պարունակում է ռեսվերատրոլ, որն օգնում է այրել ճարպը և պայքարել Ալցհայմերի հիվանդության դեմ։ Ըստ դիետոլոգի, ռեսվերատրոլը սպիտակ ճարպը վերածում է գորշի, ինչն էլ օգնում է այրել կալորիաները, բարձրացնում է ֆիզիկական աշխատունակությունը և բարելավում սրտի ֆունկցիաները ու մկանների վիճակը ճիշտ այնպես, ինչպես ֆիզիկական վարժություններ կատարելիս։

виноград

Միաժամանակ, գիտնականների կարծիքով, այս հակաօքսիդանտն ավելի լավ ազդեցություն ունի կանանց վրա, քան տղամարդկանց։ Դրա պատճառն այն է, որ գեղեցիկ սեռի ներկայացուցիչների օրգանիզմն «ալկոհոլը յուրացնելու համար անհրաժեշտ պակաս թվով ֆերմենտներ է արտադրում, ուստի այն մարսելու համար ավելի շատ էներգիա է անհրաժեշտ»։

черника

Այնուամենայնիվ, նշում են մասնագետները, պարտադիր չէ ռեսվերատրոլ ստանալ։ Այդ հակաօքսիդանտով են հարուստ հապալասը, ազնվամորին, ելակը, խաղողը և խնձորը։ -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

#գինի #օգտագործում #ճարպ #այրում

Թեմատիկ նյութեր