Մտքի դեֆորմացիա. սմարթֆոնները մարդկանց ավելի ռացիոնալ են դարձնում

ԵՐԵՎԱՆ, 27 մայիսի. /Նովոստի-Արմենիա/. Սմարթֆոն օգտագործելիս մարդիկ ավելի հակված են ռացիոնալ և ոչ էմոցիոնալ որոշումներ կայացնելու, քան համակարգչից օգտվելու ժամանակ:

Այս մասին ուսումնասիրությունը հրապարակվել է Computers in Human Behavior ամսագրում, հաղորդում է gazeta.ru-ն:

Գիտնականներն առաջարկել են 1010 կամավորներին լուծելու մտավոր հայտնի փորձը, որի պայմաններով, չկառավարվող վագոնն ընթանում է ռելսերով, որոնց կապված է հինգ մարդ:

Փորձարկվողը կարող է փոխել սլաքը մեկ այլ ուղու վրա, որտեղ ընդամենը մեկ մարդ է կապված: Եվ եթե ուտիլիտարիզմի տեսանկյունից ավելի ճիշտ է մեկ զոհ ունենալ հինգ մարդու կյանքի դիմաց, ապա բարոյականության տեսանկյունից ավելի լավ է ընդհանրապես չմիջամտել` դրանով իսկ չդառնալով մարդասպան:



Նրանց նաև առաջարկվել է խնդրի լուծման մեկ այլ տարբերակ` այժմ մասնակիցները ռելսերի վրայով անցնող կամրջի վրա էին, իսկ նրանց կողքին գեր մարդ է կանգնած: Այս տարբերակը հավելյալ ուղիներ չունի: Վագոնը կանգնեցնելու միակ տարբերակն այդ մարդուն կամրջից ռելսերի վրա նետելն է:

Փորձի պայմաններն ուսումնասիրված և սմարթֆոնի օգնությամբ պատասխաններ տվող մասնակիցները պատրաստ էին վայր գցել գեր մարդուն 33,5% դեպքերում, մինչդեռ համակարգչի դիմաց նստածներից դրան պատրաստ էին միայն 22,3% -ի դեպքում: Մեկ մարդուն զոհ տալ հինգին փրկելու համար կարող էր սմարթֆոնների օգտատերերի 80,9 տոկոսը և համակարգչի օգտատերերի 76,9 տոկոսը:

Ինչպես նշում են հետազոտության հեղինակները, ամեն ինչ կախված է որոշումներ ընդունելու համար հատկացված ժամանակից: Սմարթֆոնների օգտագործողները, հայտնվելով ժամանակի պակասի պայմաններում, հոգեբանորեն հեռանում են կատարվող իրադարձություններից:

«Քանի որ սոցիալական կյանքը, աշխատանքը և նույնիսկ գնումներն իրականացվում են ինտերնետի օգնությամբ, կարևոր է խորհել այն մասին, թե ինչպես են փոխվել էթիկական թիպիկ իրավիճակների համատեքստերը, որոնց հետ մենք ստիպված ենք լինում բախվել, և ինչպես է միլիոնավոր մարդկանց վրա ազդում բջջային սարքերի ամենօրյա օգտագործումը», – նշում են ուսումնասիրության հեղինակները: -0-