ԵՐԵՎԱՆ, 2 նոյեմբերի. /Նովոստի-Արմենիա/. Կիբեռհանցավորությունը Հայաստանում գտնվում է զարգացման փուլում, չորեքշաբթի լրագրողներին ասաց ԱՊՀ երկրներում Microsoft ընկերության ծրագրային ապահովման, կառավարման և վերահսկման գծով ղեկավար Դմիտրի Բերեսնևը:
«Առայժմ ոչ մի հստակ հանրաճանաչ թրենդներ չեն առանձնացել այս ոլորտում: Մեծ թվով հանցագործություններ և հարձակումներ կան` կապված հարևան երկրների հետ. դրանք են` Ռուսաստանը, Ուկրաինան և մյուս ԱՊՀ երկրները: Մենք տեսնում ենք, որ Հայաստանի փաստացի սերվերները և IP հասցեները օգտագործվում են Եվրոպայի վրա հարձակումներ կազմակերպելու համար», - ասել է Բերեսնևը «Նովոստի-Արմենիա» մամուլի կենտրոնում:
Նա եվալցրեց, որ ռուսախոս ցանցահենների հանրույթի համար ԱՊՀ տարածաշրջանը հաճախ հրաձգարան է, և այստեղ ոչ մեծ քանակությամբ զոհերի վրա փորձարկված հարձակումներն ավելի ուշ դուրս են բերվում միջազգային դաշտ:
Նրա խոսքով, ցանցահենների հանրույթում վերջին երկու տարիների ընթացքում լիովին ջնջվել են այս կամ այն ազգային սահմանները: «Առաջ ցանցահեններն ավելի շատ համախմբվում էին ըստ ազգային հատկանիշի: Ավելին, կիբեռհանցավորությունը սկսել է ակտիվորեն գաղթել այն երկրներից, որտեղ նրանց նկատմամբ կիրառվում են որոշակի իրավական գործողություններ, դեպի երկրներ, որտեղ նման բան չկա», - ընդգծել է Բերեսնևը, հաղորդում է
telecom.arka.am-ը:
Նա ավելացրել է, որ այստեղ Հայաստանը, որպես հարուստ մշակույթով և մեծ ստեղծագործական ներուժ ունեցող երկիր, վստահորեն աութսայդեր չէ, այլ շարժվում է միջազգային հանրույթի հետ:
Microsoft-ի հայկական գրասենյակի տնօրեն Լիանա ԿորԿոտյանն իր հերթին ավելացրել է, որ Հայաստանում կիբեռհանցավորություններից ամենապաշտպանված ոլորտը բանկայինն է:
«Կարելի է ասել, որ Հայաստանում այդ ոլորտն ամբողջությամվ լիցենզավորված է, ինչը նշանակում է, որ նրանց ծրագրային ապահովումը, համակարգիչները և տեխնիկական ենթակառուցվածքները բավական ապահով են, այդուհանդերձ, Microsoft-ի հայկական գրասենյակը այս պահի դրությամբ աշխատանքներ է վարում այդ կազմակերպությունների հետ` նրանց կարիքները գնահատելու և ինչ-որ ձև օգնելու համար», - նշել է Կորկոտյանը:
Նրա խոսքով, Հայաստանում ՓՄՁ-ի ոլորտում ևս կան որոշակի բացթողումներ արտոնագրման առումով, ինչի հետևանքով այդ կազմակերպությունները ավելի խոցելի են կբեռհարձակումների տեսանկյունից:
«Մենք, իհարկե, հասկանում ենք, որ, ելնելով սոցիալ-տնտեսական իրավիճակից, փոքր և մեծ ձեռնարկությունների համար ծրագրային ապահովման գումարը լրացուցիչ ծախս է: Սակայն շատերի մոտ կարծրատիպ է ձևավորվել, որ այդ ծառայությունների վճարը չափազանց բարձր է, իսկ իրականում դա այդպես չէ: Այսօր կան վճարման տարատեսակ մեխանիզմներով բազմաթիվ պրոդուկտներ, մասնավորապես, ամպային տեխնոլոգիաները թույլ են տալիս վճարել ծրագրային ապահովման համար յուրաքանչյուր ամիս», - ավելացրել է Կորկոտյանը:
Միաժամանակ, Կենտրոնական և Արևելյան Եվրոպայում Microsoft-ի տեղեկատվական անվտանգության ծրագրերի ղեկավար Արտյոմ Սինիցինը նշել է, որ վիճակագրության բացակայությունը չի նշանակում, որ Հայաստանում կիբեռհանցավորությունը չի զարգանում կամ գտնվում է ցածր և միջին մակարդակում։
«Բանն այն է, որ ինչ-որ մեկին վարկաբեկելու կամ կոտրելու փաստի բացակայությունը դեռ չի նշանակում, որ ինչ-որ մեկին չեն ջարդել: Եկրորդ, պետք չէ մոռանալ, որ ոչ մի աչալուրջ ընկերություն չի ցանկանա հրապարակայնորեն ընդունել, որ իրենց կոտրել են: Հաճախ այդ մասին հայտնի է դառնում այն երկրներում, որտեղ նրանք պարտավոր են օրենսդրական մակարդակով մամուլի հաղորդագրություն ներկայացնել կատարվածի վերաբերյալ: Եթե կարգավորիչները դա չպահանջեն, ամենայն հավանականւթյամբ դա գաղտնի կմնա», - ավելացրել է Սինիցինը: -0-
