Instagram-ը թույլ է տվել անտեսել օգտատերերին
26.05.2018,
20:01
Instagram-ը նոր ֆունկցիա է ավելացրել, որը թույլ է տալիս թաքցնել այս կամ այն օգտատերերի հրապարակումները` մնալով նրանց հետևորդը:
![Instagram-ը թույլ է տվել անտեսել օգտատերերին Instagram-ը թույլ է տվել անտեսել օգտատերերին](/upload/iblock/b0d/5zqw37nm1am1kluddypkqgsxt7nopdy5.jpg)
ԵՐԵՎԱՆ, 26 մայիսի. /Նովոստի Արմենիա/. Instagram-ը նոր ֆունկցիա է ավելացրել, որը թույլ է տալիս թաքցնել այս կամ այն օգտատերերի հրապարակումները` մնալով նրանց հետևորդը: Ինչպես հայտնում է Gazeta.ru-ն, այդ մասին նշվում է ընկերության կողմից տարածած հաղորդագրությունում:
Instagram-ում նշել են, որ այն օգտատերը, ում հրապարակումները սահմանափակում են, ոչ մի տեղեկություն չի ստանա այդ մասին:
Բացի այդ, օգտատերը կկարողանա տեսնել հրապարակումները, եթե մուտք գործի տվյալ մարդու անձնական էջ։
Սերվիսը հնարավորություն կտա ընտրել` արգելափակել միայն տվյալ օգտատիրոջ հրապարակումները, թե հրապարակումներն ու Instagram stories-ները:-0-