ԵՐԵՎԱՆ, 3 հունվարի. /Նովոստի-Արմենիա/. Վաղ ճաղատացումը ու մազերի ճերմակումը 40 տարեկանից երիտասարդ տղամարդկանց մոտ կարող է վկայել սրտանոթային հիվանդությունների հակվածության մասին։
Ինչպես հայտնում է
Lenta.ru–ն, հետազոտությունների արդյունքները հրապարակվել են հնդկական Կալկաթա քաղաքում անցկացված սրտաբանների կոնֆերանսում, նշվում է Սրտաբանների եվրոպական միության կայքում։
Գիտնականները հետազոտել են սրտի անբավարարություն ունեցող 790 եիտասարդ տղամարդկանց և 1270 առողջ մարդու։ Հետազոտվել են նրանց կարդիոգրամները, արյան և գլխամաշկի մազածածկույթի հետազոտություները։ Պարզվել է, որ սրտի հիվանդություններ ունեցող տղամարդիկ տառապում են մազաթափությամբ ավելի հաճախ, քան վերահսկվող խմբի ներկայացուցիչները, համապատասխանաբար, 49% և 27% ։ Վաղաժամ սպիտակ մազերի դեպքում տարբերությունն ավելի մեծ է` այն հայտնաբերվել է հիվանդություն ունեցող մարդկանց կեսի մոտ` առողջ մարդկանց 30% դիմաց։
«Նման փոխադարձ կապի առկայության ենթադրյալ պատճառը կարող է լինել կենսաբանական ծերացման էությունը։ Այսինքն, որոշ մարդկանց մոտ ծերացման գործընթացը կարող է սկսվել ավելի վաղ և անցնել ավելի արագ կերպով։ Դա կարող է ազդել մազերի վիճակի վրա», – հայտարարել է հետազոտության հեղինակներից Քամալ Շարման։
Загружается новость ...
"Право"
Գիտնականները խորհրուրդ են տալիս ճաղատության հակված երիտասարդ տղամարդկանց ավելի մեծ ուշադրություն դարձնել սրթանոթային համակարգին, հրաժարվել վատ սովորություններից և խուսափել սթրեսից։
Նոյեմբերին Շվեդիայի գիտնականները պարզել են, որ սրթանոթային հիվանդությանների ռիսկը նվազեցնելու համար, մանավանդ միայնակ մարդկանց մոտ, կօգնի տանը շուն պահելը: -0-
