Facebook–ը նախատեսում է վճարել օգտատերերին գովազդ դիտելու համար

ԵՐԵՎԱՆ, 5 մայիսի./Նովոստի–Արմենիա/. Facebook–ը քննարկում է սեփական կրիպտոարժույթի ստեղծման հնարավորությունը` գովազդ դիտելու համար օգտատերերին վճարելու նպատակով, գրում է «Известия» պարբերականը` հղում անելով Wall Street Journal–ին։

Այդ կերպ Facebook–ի ղեկավարությունը նախատեսում է խրախուսել օգտատերերի ակտիվությունը` ոչ միայն գովազդի դիտում, այլև փոխգործակցություն կոնտենտի հետ և գնումների կատարում սոցցանցի միջոցով։

Հրատարակության տվյալներով, Facebook–ի ներկայացուցիչները կրիպտոարժույթի մշակման հարցերը քննարկում են Visa–ի և Mastercard–ի հետ։ Այդ աշխատանքն ընթանում է ավելի քան մեկ տարի, նախագիծը կոչվում է Project Libra։ Ինչպես նշում է WSJ–ին, նախագծում կարող է ներդրվել մինչև 1 մլրդ դոլար։

Դեռ 2018թ.–ի վերջին հայտնի էր դարձել, որ ինտերնետային հսկան մշակում է սեփական վճարային համակարգը։ Նախատեսվում է, որ համակարգով հնարավոր կլինի գումար փոխանցել Facebook ընկերությանը պատկանող WhatsApp մեսենջերի միջոցով։ Հաղորդվում էր, որ նախագծի թիրախը լինելու է հնդկական շուկան, քանի որ Հնդկաստանում WhatsApp–ից օգտվում է ավելի քան 200 մլն մարդ, բացի այդ երկիրը համաշխարհային առաջատարն է դրամական փոխանցումների ծավալով։–0–