ԵՐԵՎԱՆ, 28 հուլիսի. /Նովոստի–Արմենիա/. «ԱրմենՏել» ՓԲԸ–ն (Beeline ապրանքանիշ) շարունակում է «Eurasia Mobile Challenge» միջազգային մրցույթի հայաստանյան փուլի համար մասնակիցների գրանցումը, հայտնում է ընկերության մամուլին ծառայությունը։
Ըստ հաղորդագրության, Beeline–ն արդեն երկրորդ տարին է, ինչ աջակցում է այս թվային մրցույթի իրականացմանը նաև Հայաստանում:
«Նախորդ տարին ցույց տվեց, որ մենք ունենք նորարարար և ստեղծագործ բազմաթիվ երիտասարդներ, ում կողմից մշակած հավեվածները և առաջարկված լուծումները կարող են մրցունակ լինել ոչ միայն ազգային այլ նաև միջազգային հարթակներում: Միաժամանակ, այսօր մեր երկրում կան շատ տաղանդավոր երիտասարդներ, ովքեր չունեն բավականաչափ ֆինանսական միջոցներ և փորձ, որպեսզի կարողանան կյանքի կոչեն իրենց նորարարական գաղափարները: Այս մրցույթը հիանալի հարթակ է հենց նման շնորհալի երիտասարդների համար, ովքեր կկարողանան կառուցել իրենց ապագան մեր աջակցության և ժամանակակից թվային տեխնոլոգիաների օգնությամբ»,- նշեց Հայաստանում Beeline-ի Գլխավոր տնօրեն Անդրեյ Պյատախինը:
Մրցութի նպատակը ներգրավել տեխնիկական ու հումանիտար մասնագիտություններ ունեցող այն երիտասարդների ներգրավումն է, ովքեր կարող են առաջարկել թվային, big data-ին, ամպային տեխնոլոգիաներին և М2М-ին վերաբերող մոտեցումներ կամ արդեն պատրաստի լուծումներ, ինչպես նաև հավելվածներ` ուղղված սոցիալական խնդիրների լուծմանը:
24 թիմ (երեքական յուրաքանչյուր երկրից) կհրավիրվեն տարածաշրջանային կիսաեզրափակիչին: Տարածաշրջանային կիսաեզրափակչի երեք մասնակիցներ կստանան դրամական միջոցներ և հնարավորություն մրցելու այլ տարածաշրջանային թիմերի հետ Բջջային կապի համաշխարհային կոնգրեսի շրջանակում կայանալիք եզրափակչում, որը տեղի կունենա 2017 թվականին Բարսելոնում:
Յուրաքանչյուր մասնակից երկրում կանցկացվի մրցույթի տեղական փուլ, որի շրջանակում մասնակիցները կմրցեն իրենց երկիրը ներկայացնող թիմերի հետ։
«Eurasia Mobile Challenge» մրցութի շրջանակում 1-ին, 2-րդ և 3-րդ տեղ զբաղեցրած մասնակիցները կստանան դրամական պարգևներ (համապատասխանաբար 20 000, 15 000 և 10 000 ԱՄՆ դոլար), սարքավորումներ և մասնակցության ուղեգիր` Բջջային կապի համաշխարհային կոնգրեսին Բարսելոնում։
Մրցույթի պայմաններին կարելի է ծանոթանալ
http://www.eurasiamobilechallenge.com/ կայքում: Գրանցվելու վերջնաժամկետը հոկտեմբերի 15-ն է:
«Eurasia Mobile Challenge» մրցույթն իրականացվում է աշխարհի խոշորագույն ինտեգրված օպերատորներից մեկի «ՎիմպելԿոմ»-ի նախաձեռնությամբ «Make your Mark» գլոբալ ռազմավարության շրջանակում:
Բջջային հավելվածների մշակման եվրազիական մրցույթը Բարսելոնում կայանալիք Global Mobile Challenge համաշխարհային խոշորագույն մրցույթի մի փուլն է հանդիսանում։ Մրցույթին մասնակցում են ներկայացուցիչներ Հայաստանից, Վրաստանից, Ռուսաստանից Ղազախստանից, Ուկրանիայից, Ղրղզստանից, Տաջիկստանից և Ուզբեկստանից։
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։ –0–
