ԵՐԵՎԱՆ, 24 մարտի. /Նովոստի–Արմենիա/. Հայաստանում «ԱրմենՏել» ընկերությունը (Beeline ապրանքանիշ) հայտարարում է Lenovo, Huawei և Micromax հայտնի ապրանքանիշերի նոր սմարթֆոնների վաճառքի մեկնարկի մասին, հայտնում է ընկերության մամուլի ծառայությունը։
Ինչպես հայտնում է ընկերության մամուլի ծառայությունը, նոր սմարթֆոնների տեսականին ընդհանուր առմամբ ներառում է ավելի քան 14 մոդել, այդ թվում` ներկայացուցչական դասի այնպիսի ոճային և հզոր սմարթֆոններ, ինչպիսիք են` Lenovo Vibe S1, Huawei Honor 5X և Micromax Canvas 5: Սմարթֆոնների արժեքը տատանվում է 29 900–ից 205 500 դրամի սահմաններում` կախված մոդելից և արտադրողից: Սմարթֆոնները կարելի է ձեռք բերել նաև ապառիկ:
«Վերջին մեկ տարվա ընթացքում Beeline բրենդային հեռախոսները մի քանի անգամ դարձել են երկրում ամենավաճառվող սմարթֆոնները: Այժմ, հաշվի առնելով հաճախորդների պահանջները, մենք ընդլայնել ենք սմարթֆոնների տեսականին և ներառել երեք հայտնի բրենդների սմարթֆոններ, այդ թվում` նրանց ներկայացուցչական մոդելները: Կցանկանայի առանձին նշել, որ Lenovo և Huawei սմարթֆոններ գնելու դեպքում բաժանորդները կարող են օգտվել «Գարնանային անակնկալ» ակցիայից և ստանալ 10 ԳԲ ծավալով ինտերնետ և հնարավորություն` միանալու բացառիկ սակագնային փաթեթին», - նշեց Հայաստանում Beeline-ի Գլխավոր տնօրեն Անդրեյ Պյատախինը:
Նա նշեց, որ Beeline գրասենյակներում Lenovo և Huawei հեռախոսներ գնելու դեպքում բաժանորդների համար գործում է «Գարնանային անակնկալ» ակցիան, որի շրջանակում տրամադրվում է 10 ԳԲ ծավալով բջջային ինտերնետ և միացում բացառիկ սակագնային փաթեթին:
Նշված սակագնային փաթեթի շրջանակում ամսական 2500 դրամի դիմաց 30 օրվա ընթացքում բաժանորդը ստանում է անսահմանափակ զանգեր Beeline բջջային ցանցի ներսում, 100 րոպե դեպի տեղական այլ օպերատորների ցանցեր զանգեր կատարելու հնարավորություն, ամսական 3 ԳԲ ծավալով բջջային ինտերնետ և 150 տեղական SMS-հաղորդագրություն:
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
