Բացառիկ աստղագիտական երևույթ. հուլիսի 4-ից Երկրից հնարավոր կլինի հետևել մոլորակների շքերթին

ԵՐԵՎԱՆ, 4 հուլիսի./Նովոստի-Արմենիա/. 2020թ.-ի հուլիսին Արեգակնային համակարգի 6 մոլորակները՝ Մերկուրին, Վեներան, Երկիրը, Մարսը, Յուպիտերը և Սատուրնը կանգնում են Արեգակի մի կողմում ուղիղ գծի վրա, հաղորդում էmk.ru-ն:

Այս երևույթը կրում է «մոլորակների մեծ շքերթ» անվանումը, և չնայած գիտական տեսանյունից նշանակալի երևույթ չի համարվում, այն գրավում է աստղագիտության սիրահարների ուշադրությունը:

Մոլորակների մեծ շքերթ է կոչվում այն ժամանակը, երբ Արեգակնային համակարգի 6 մոլորակները կանգնում են մեկ գծի վրա: Գոյություն ունի նաև «փոքր շքերթ» հասկացությունը, որին մասնակցում են 4 մոլորակներ, և «ամբողջական շքերթ», որը ենթադրում է Արևի մի կողմում բոլոր 8 մոլորակների հայտնվելը:

Երկիր մոլորակի բնակիչները հուլիսի 4-ից մինչև օգոստոսի կեսերը կարող են հետևել մոլարկների շքերթին:

Ավելի վաղ, Մոսկովյան պլանետարիումի տնօրեն Ֆաինա Ռուբլյովան հայտնել է, որ հիմա Մերկուրին գտնվում է այնպիսի դիրքում, որ Արևը ծածկում է նրան, այդ պատճառով Մերկուրին տեսնել հնարավոր չի լինի: Իսկ Յուպիտերին հետևելու համար լավագույն օրը կդառնա հուլիսի 14-ը, իսկ Սատուրնին՝ հուլիսի 21-ը:

Պրոֆեսիոնալ գիտնականներն այնքան էլ հետաքրքրված չեն մոլորակների շքերթով՝ աստղաֆիզիկային տեսանկյունից Արեգակնային համակարգում տիեզերական մարմինների նման դիրքը անսովոր կամ լրացուցիչ ուսումնասիրություն պահանջող մի բան չէ; Ընդ որում մասնագետները նշում են, որ մոլորակների դիրքը որևէ նշանակլի ազդեցություն չի ունենում Երկիր մոլորակի առօրյա կյանքի վրա: -0-