Apple–ը նոր iPhone-ների զանգվածային արտադրություն է սկսել

ԵՐԵՎԱՆ, 18 հունիսի. /Նովոստի–Արմենիա/. Apple-ի մատակարարները սկսել են iPhone–ի երեք նոր մոդելների պահեստամասերի զանգվածային արտադրություն։ Իսկ iPhone–ների շնորհանդեսը նախատեսվում է այս տարվա աշնանը: Այս մասին գրում է telecom.arka.am–ը` հղում անելով newsru.com–ին։

Լուրերի համաձայն, Apple-ը կթողարկի iPhone 7s и 7s Plus սմարթֆոնները, որոնք աննշան կտարբերվեն Apple-ի ներկա սերնդի սմարթֆոններից, սակայն կունենան ապակյա հետնամաս և այլումինե կմախք: Սա կարող է նշանակել, որ 4,7 և 5,5 դյույմանոց սմարթֆոնները կստանան անվտանգ վերալիցքավորման հնարավորություն։ Միաժամանակ, սարքը կպահպանի իր չափերը, մյուս փոփոխությունները վերաբերում են դրանց էլեկտրոնային «միջուկին»:


Apple-ը նաև թողարկման է պատրաստում iPhone 8 սմարթֆոնը, որը նկատելիորեն կկատարելագործվի: Մասնավորապես, աղբյուրները նշում են Samsung Display-ից առանց շրջանակի AMOLED էկրանի մասին, չժանգոտող պողպատից կմախքի, ապակյա հետնամասի, 3D սկաներով կատարելագործված առջևի տեսախցիկի և սովորական սենսորային Touch ID-ից հրաժարվելու մասին` հօգուտ սարքի էկրանի ստորին մասի «ֆունկցիոնալ գոտում» ներկառուցված մատնահետքերի սենսորի:

Երեք նոր iPhone-ի արտադրության մասին իր Twitter-ում հաղորդում է նաև Բենջամին Գեսկին անունով դիզայներն ու բլոգերը, ով մասնագիտացած է զանազան գաջեթների մասին արտահոսքերի հրապարակման մեջ: Նրա հրապարակումն ուղեկցվում է iPhone 7s Plus-ի և iPhone 8-ի գծագրերով: Դրանցից կարելի է ենթադրել, որ 5,8 դյույմանոց էկրանով iPhone 8-ը չափերով միայն մի փոքր կգերազանցի iPhone 7-ը. որի անկյունագծը 4,7 դյույմ է: Գծագիրը նաև հաստատում է iPhone 8-ի վրա ուղղահայաց կրկնակի տեսախցիկի առկայությունը:

Ավելի վաղ, աղբյուրներն հաղորդում էին, iPhone 8-ի արտադրության հետ կապված Apple-ում առաջացած խնդիրների մասին: Բացառված չէ, որ դրանց պատճառով սմարթֆոնը շուկայում կհայտնվի միայն աշնան վերջին:-0-