ԱՄՆ Սենատի դեմոկրատական մեծամասնության առաջնորդը համաձայնել է դառնալ Հայոց ցեղասպանության բանաձևի համահովանավորը

ԱՄՆ Սենատի դեմոկրատական մեծամասնության առաջնորդ Հարի Ռիդը համաձայնել է դառնալ Հայոց ցեղասպանության ճանաչմանն ուղղված Կոնգրեսի բանաձևի համահեղինակներից մեկը, հաղորդում է Ամերիկայի հայկական համագումարը (ԱՀՀ):

Ավելի վաղ Ամերիկայի հայկական համագումարը Ռիդին նամակ էր հղել, որում շնորհակալություն էր հայտնել սենատորին Հայոց ցեղասպանության ճանաչմանը ցուցաբերած աջակցության համար և կոչ էր արել նրան դառնալ դեմոկրատ Ռոբերտ Մենենդեսի և հանրապետական Ջոն Էնսայնի կողմից ներկայացված բանաձևի համահովանավորը:

Նամակում, մասնավորապես, նշվում էր, որ ասելով ճշմարտությունը նման հանցագործությունների մասին՝ սենատորն իր ներդրումը կկատարի հետագայում նման հանցագործությունների կանխման գործում:

ԱՀՀ-ն հուսով է, որ կգամագործակցի սենատոր Ռիդի հետ այդ կարևոր բանաձևի ընդունման գործում:

ԱՀՀ-ի Հոգաբարձուների խորհրդի ղեկավար Հրայր Հովնանյանը նշել է Սենատում Ռիդի ունեցած մեծ դերը՝ իբրև մեծամասնության առաջնորդի՝ բանաձևի համահեղինակների աճող ցանկի ամրապնդման համար:--0--