Սոցիալական ցանցերում Ամենայն Հայոց Կաթողիկոսի դեմ ծավալված արշավը պատիվ չի բերում դրա մասնակիցներին. Սուրբ Էջմիածին

Սոցիալական ցանցերում Ամենայն Հայոց Գարեգին Երկրորդ Կաթողիկոս դեմ ծավալված արշավը պատիվ չի բերում դրա մասնակիցներին, ուրբաթ մամուլի ասուլիսի ժամանակ հայտարարեց Մայր Աթոռ Սուրբ Էջմիածնի տեղեկատվական համակարգի ղեկավար Վահրամ քահանա Մելիքյանը:

«Մայր Աթոռը միշտ քննադատության և քննարկումների կողմնակից է եղել, սակայն այն, ինչ տեղի է ունենում հիմա, քննադատություն և քննարկում չէ: Դա Պատրիարքի հասցեին ուղղված անձնական վիրավորանք է», - ասաց Սրբ. Էջմիածնի ներկայացուցիչը:

Վերջերս Facebook ցանցում ստեղծվել են մի քանի խմբեր, որոնք պահանջում են Կաթողիկոսի հրաժարականը: Դրանից հետո հակարշավ սկսվեց, և այժմ ինտերնետում ակտիվ պայքար է ընթանում կաթողիկոսի հրաժարականի կողմնակիցների և հակառակորդների միջև:

Ցանցում, մասնավորապես, շրջանառվում է Հայկական ճարտարապետության ուսումնասիրման հասարակական կազմակերպության ղեկավար Սամվել Կարապետյանի հայտարարությունն այն մասին, թե խոսելով Սանահինի վանական համալիրի մասին՝ Կաթողիկոսն իբր ասել է, որ ինքը որևէ գործ չունի լեռներում գտնվող վանքերի և եկեղեցիների հետ:

Մելիքյանն ընդգծեց, որ Կաթողիկոսը չէր կարող նման հայտարարություն անել, և այդ հայտարարությունն, ամենայն հավանականությամբ, հանվել է համատեքստից:

Կարապետյանն իր հերթին նշել է, որ ինքը բառացիորեն մեջբերել է Կաթողիկոսի խոսքերը:

«Դա եղել է 2006 թ.-ին, և ես շատ լավ հիշում եմ իր զրույցը Կաթողիկոսի հետ», - ասել է փորձագետը:-0-