Ազգային ինքնությունն Ադրբեջանում կառուցվում է հայերի նկատմամբ ատելության վրա, ուրբաթ լրագրողներին հայտնեց «Ժառանգ» հասարակական կազմակերպության ղեկավար Կարեն Վրթանեսյանը։
«Ժառանգ» ՀԿ-ն ուրբաթ «Ատելությունը հայերի նկատմամբ թուրքական և ադրբեջանական կինոյում» թեմայով ֆիլմերի ցուցադրություն։ Ցուցադրվել են ադրբեջանական երեք ֆիլմեր («Չկա Ադրբեջան առանց Ղարաբաղի», «Ջավանշիր», «Հայկական գրագողություն») և թուրքական մեկ ֆիլմ («Հարյուր քսան»)։
«Հայերի նկատմամբ ատելությունն իր արտացոլումն է գտնում կինեմատոգրաֆում։ Մեր ցուցադրած ֆիլմերը դրանք գունեղ են ներկայացվում։ Այդ ֆիլմերում, որոնք, ի դեպ, պետպատվերով են նկարահանված, հայերը ներկայացվում են որպես արնախումներ, վայրենիներ։ Բացի այդ, սարսափելիորեն աղավաղված է պատմությունը»,- ընդգծեց Վրթանեսյանը։
Ըստ նրա, ֆիլմերի ցուցադրության նպատակն է հայ հեռուստադիտողին ներկայացնել կինեմատոգրաֆը որպես հակահայկական քարոզչության գործիք օգտագործելու օրինակները։
«Մեր երիտասարդները պետք է իմանան, թե ինչպես են նրանց ներկայացնում հարևան երկրներում ապրող հասակակիցներին։ Այժմ շատ է խոսվում հարաբերությունների բարելավման, հայ-թուրքական սահմանի բացման, հանդուրժողականության մասին։ Բայց կան, արդյո՞ք, իրական հիմքեր դրա համար։ Վզին փաթաթած բարեկամությունը կարող է հերթական արյունահեղության հանգեցնել»,- նշեց կազմակերպիչը։
Նա ընդգծեց, որ «Չկա Ադրբեջան առանց Ղարաբաղի» կարճամետրաժ ֆիլմում (2009 թվական) ներկայացվում է ղարաբաղյան պատերազմի աղավաղված պատմությունը, որտեղ հայերին «քոչվորներ» են անվանում, հերոսացնում են ադրբեջանական բանակը։
«Ջավանշիր» մուլտֆիլմը պատմում է Ադրբեջանի պատմությունը, որը ընդհանուր ոչ մի բան չունի իրականության հետ։ Այսպես, Ադրբեջանի պատմության փոխարեն ներկայացվում է հարևան պետությունների, այդ թվում՝ Իրանի պատմությունը, որը վերագրվում է Ադրբեջանին։
«Հայկական գրագողություն» կարճամետրաժ ֆիլմը հետաքրքիր է նրանով, որ ֆիլմում հերոսները մաքուր հայերեն են խոսում։ Ֆիլմը նվիրված է ադրբեջանական ամենատարածված առասպելներից մեկին, որի համաձայն հայերը գողանում են ադրբեջանցիների հոգևոր ժառանգությունը»,- ասաց Վրթանեսյանը՝ ավելացնելով, որ ֆիլմի հեղինակներն անանուն են։
Զբոսաշրջության և մշակույթի նախարարության պատվերով նկարահանված թուրքական «Հարյուր քսան» ֆիլմում ներկայացված է 1915 թվականի «պատերազմի» խեղաթյուրված պատմությունը։ -0-
