ՀՀ ԱԱԾ աշխատակիցները «Զվարթնոց» օդանավակայանում կասեցրել են թմրանյութերի տեղափոխման փորձը

ՀՀ Ազգային անվտանգության ծառայության մարմինների կողմից իրականացված օպերատիվ-հետախուզական միջոցառումների արդյունքում կասեցվել է Երևան-Մոսկվա չվերթով թմրամիջոցների մաքսանենգ տեղափոխման ևս մեկ փորձ, հաղորդում է ԱԱԾ մամուլի կենտրոնը։

««Զվարթնոց» օդանավակայանում, օտարերկրյա քաղաքացու ուղեբեռի կրկնակի զննությամբ հայտնաբերվել է 1կգ. 984 գրամ քաշով «մետամֆետամին» տեսակի ծանր թմրամիջոց, որը չորս կողմից փակված պլաստմասե երկու շերտաթիթեղների մեջ թաքցված էր համակարգչի պայուսակի աստառում»,- ասվում է հաղորդագրության մեջ։

Դեպքի արթիվ հարուցվել է քրեական գործ: Նախաքննությունը կատարում է ՀՀ ԱԱԾ Քննչական վարչությունը: -0-