ՀՀ մշակույթի նախարարությունը մտադիր է պայքարել հակահայկական քարոզչության դեմ. նախարար
ՀՀ մշակույթի նախարարությունը գրքերի հրատարակման լիազորություններն ընդլայնելու վերաբերյալ խնդրանք կներկայացնի կառավարությանը՝ Ադրբեջանի տարածած հակահայկական քարոզչության դեմ պայքարելու համար, ուրբաթ ԱԺ պրոֆիլային հանձնաժողովների կողմից 2011թ.-ի պետբյուջեի նախագծի քննարկման ժամանակ հայտնեց ՀՀ մշակույթի նախարար Հասմիկ Պողոսյանը։
«Մյուս տարի մենք մտադիր ենք խնդրել կառավարությանն ընդլայնել գրքերի պատվերի և հրատարակման մեր լիազորությունները...Մենք մտադիր ենք 2011թ.-ին լուծել այս խնդիրը»,- ասաց նախարարը՝ պատասխանելով պատգամավորների ադրբեջանական քարոզչության կանխման համար գրքերի հրատարակման անհրաժեշտության մասին հարցին։
ՀՀ պետբյուջեի նախագծով 2011թ.-ին հանգստի, մշակույթի և կրոնի ոլորտների ֆինանսավորման համար ծրագրվում է հատկացնել 17,2 մլրդ դրամ, որոնցից 15,8 մլրդ դրամը կլինեն ընթացիկ և 1,4 մլրդ դրամը՝ հիմնական ծախսերը։
2011թ.-ի պետբյուջեի նախագծի համաձայն, պետբյուջեի եկամուտները ծրագրված են շուրջ 850 մլրդ դրամի չափով, ծախսերը՝ 998,6 մլրդ դրամի՝ 148,6 մլրդ դրամ դեֆիցիտի դեպքում։ ՀՆԱ աճը նախատեսված է 4,6 տոկոսի չափով։ -0-
