Հայ երեխաները կարող են պահպանել Մանկական «Նոր ալիք» մրցույթի հաղթողի տիտղոսը
ԵՐԵՎԱՆ, 22 հոկտեմբերի. /Նովոստի-Արմենիա/. Ղրիմում 2011թ.-ի ամռանը կայանալիք Մանկական «Նոր ալիք» մրցույթի երիտասարդ հայ մասնակիցները հաղթողի տիտղոսը պահպանելու իրական հնարավորություն ունեն։
2010թ.-ին «Ռազմիկը և ընկերները» մանկական քառյակն առաջին տեղը զբաղեցրեց Մանկական «Նոր ալիք» մրցույթում, որն անցկացվել էր «Արտեկ» միջազգային ճամբարում։
Ինչպես ընդգծեց մրցույթի գործադիր տնօրեն Ստելլա Խաչանյանցը, Մանկական «Նոր ալիք» երիտասարդ կատարողների միջազգային մրցույթի ազգային ընտրական փուլի անցկացման վերաբերյալ գովազդը Հայաստանում կսկսվի երկուշաբթի օրվանից։ Մրցույթին մասնակցելու հայտերը ընդունվում են պատանի տաղանդներից՝ առանց սահմանափակումների։
«Ազգային ընտրական փուլը կավարտվի 2011թ.-ի մարտին Երևանում՝ գալա համերգի ժամանակ»,- նշեց նա։
Ըստ «Նոր ալիք» մրցույթի գլխավոր տնօրեն Ալեքսանդր Ռումյանցևի, «Արտեկ»-ում այս ամռանը Մանկական «Նոր ալիք» առաջին մրցույթի անցկացումը վիթխարի շոու է եղել։
«Մենք հուսով ենք հայ մասնակիցներին նաև մյուս տարի տեսնել և նոր անակնկալներ ենք պատրաստում»,- ասաց նա։
Մանկական «Նոր ալիք» մրցույթը, որն անցկացվեց 2010թ.-ին «Արտեկ» մանկական ճամբարում, որը նախկին ԽՍՀՄ տարածքում ամենախոշորն էր համարվում: Մրցույթը «Junior Նոր ալիք»-ի փոխարինողն է դարձել, որն անցկացվել է 2008 և 2009 թվականներին Մոսկվայում։ -0-
