Օպերատիվ վիճակագրական տվյալների համաձայն` Հայաստանի ՀՆԱ ծավալը 2010թ.-ի հունվար-սեպտեմբերին, անցյալ տարվա նույն ժամանակահատվածի համեմատ, ավելացել է 2,8 տոկոսով, հաղորդում է ՀՀ ազգային վիճակագրական ծառայությունը։ ՀՆԱ-ի ծավալը 2386,7 մլրդ դրամ է կազմել (6,6 մլրդ դոլար)։
Ըստ վիճակագրական տվյալների` 2010 թ.-ի հունվար-սեպտեմբերին, 2009 թ.-ի նույն ժամանակահատվածի համեմատ, գրանցվել է սպառողական գների աճ 7,8 տոկոսի սահմաններում: Միաժամանակ ինը ամիսների ընթացքում, 2009 թ.-ի դեկտեմբերի համեմատ, գրանցվել է սպառողական գների 4,7 տոկոսանոց աճ:
Հաշվետու ժամանակահատվածում Հայաստանում արդյունաբերական արտադրանք արտադրողների գներն ավելացել են 25,9 տոկոսով՝ 2009 թ.-ի նույն ժամանակահատվածի համեմատ:
Հաշվետու ժամանակահատվածում արտադրվել է 5791,4 միլիարդ դրամի (1606, 2 միլիոն դոլար) արդյունաբերական արտադրանք, ինչը 10,9 տոկոսով ավելի Է նախորդ տարվա նույն ցուցանիշից:
Հայաստանի արտաքին առևտրաշրջանառության ծավալը 2010 թ.-ի հունվար-սեպտեմբերի արդյունքներով կազմել է 3383,7 միլիոն ԱՄՆ դոլար (1277,3 միլիարդ դրամ)՝ 2009 թ.-ի նույն ժամանակահատվածի համեմատ ավելանալով 23,6 տոկոսով:
Ըստ պետբյուջեի՝ Հայաստանում 2010 թ.-ին ՀՆԱ-ի աճը ծրագրված է 1,2 տոկոսի սահմաններում։-0-
