Հայաստանում գնանկումը սեպտեմբերին կազմել է 0,2 տոկոս. վիճակագրություն

Հայաստանում գնանկումը սեպտեմբերին՝ օգոստոսի համեմատ, կազմել է 0,2 տոկոս, «Նովոստի-Արմենիա» գործակալությանը հայտնեցին ՀՀ Ազգային վիճակագրության ծառայությունից:

Վիճակագրական տվյալների համաձայն՝ սեպտեմբերին օգոստոսի համեմատ պարենամթերքի (ներառյալ ոգելից խմիչքները և ծխախոտը) գները նվազել են 0,9 տոկոսով, ոչ պարենային ապրանքների գներն աճել են 0,3 տոկոսով, իսկ ծառայությունների ոլորտի սակագներն ավելացել են 0,7 տոկոսով:

2009 թվականի դեկտեմբերի համեմատ սպառողական գների ինդեքսը սեպտեմբերին կազմել է 104,7 տոկոս, ընդ որում՝ պարենամթերքի գների ինդեքսը (ներառյալ ոգելից խմիչքները և ծխախոտը) կազմել է 105,4 տոկոս, ոչ պարենային ապրանքների գների ինդեքսը՝ 103,1 տոկոս, իսկ ծառայությունների ոլորտի սակագների ինդեքսը՝ 104,4 տոկոս։

Պետբյուջեի համաձայն՝ 2010 թ.-ի վերջին Հայաստանում գնաճը ծրագրված է 4 տոկոսի մակարդակում (±1,5%):-0-