Իռլանդիայի ֆուտբոլի հավաքականի գլխավոր մարզիչ Ջովանի Տրապատոնին «շատ կարևոր է համարել Եվրո-2012 առաջնության ընտրական փուլի մեկնարկին իր թիմի տարած հաղթանակը, որը իռլանդացիները ձեռք բերեցին Երևանում շատ բարդ եղանակային պայմաններում», հաղորդում է «ՌԻԱ Նովոստին»՝ հղում անելով BBC-ին:
Ուրբաթ օրը իռլանդացիները, որոնք խմբում առաջին տեղի համար ռուսաստանցիների գլխավոր մրցակիցներն են համարվում, արտագնա խաղում 1:0 հաշվով դժվարությամբ պարտության են մատնել Հայաստանի հավաքականին: Հանդիպման 76-րդ րոպեին գոլի հեղինակ է դարձել կիսապաշտպան Կիտ Ֆեյխին:
«Շատ շոգ էր, և մենք առաջին խաղակեսում բազմաթիվ անգամ սխալվեցինք փոխանցումների ժամանակ, ֆուտբոլիստները ընկճված տեսք ունեին», - ասել է Տրապատոնին: «Ընդմիջումից հետո մենք հավաքվեցինք, ավելի լավ սկսեցինք շարժվել դաշտում, և Ֆեյխին վարպետորեն գոլ խփեց»:
Հանդիպման հերոսը հայտարարել է, որ փոփոխության արդյունքում իրեն դաշտ մտցրած մարզիչը հրահանգել է «ակտիվ ընթանալ առաջ»: «Հայաստանը վտանգավոր հակագրոհներ էր կազմակերպում, բավականին լավ իրացնում էր ստանդարտ դիրքերը, սակայն մեզ հաջողվեց զսպել նրանց», - ավելացրել է Ֆեյխին:
Իռլանդիայի հավաքականի կիսապաշտպան Լուեյմ Լոուրենսն ավելացրել է, որ «Կիտի հարվածը Երևանում անցկացվող հանդիպման ֆանտաստիկ արդյունքն ապահովեց»:-0-
